影片
更多
2014-02-18
2194 浏览
男友约我今晚去九龙城食饭, 我心谂梗系又食泰菜啦! 点知佢话俾个惊喜我~ 哈哈, 去到餐厅门外, 发现竟然系间印度菜馆 (≧∇≦) 又真系几惊喜, 因为唔知呢头原来都有印度菜食!! 一开门, 浓浓嘅香味已经扑面而来, 真系未食先兴奋! 餐厅嘅环境都不错, 暗暗哋嘅灯光配合充满印度风味嘅装修, 感觉舒适! 而且餐厅入面仲有一个酒吧, 都几特别 ^^ 因为喺重庆大厦𠮶边未见过!!一坐低, 侍应就即刻亲切地送上免费嘅胡椒薄饼 ^^ 仲随饼附上薄荷酱, 酸辣酱 & 腌洋葱粒~ 薄饼好脆, 虽然冇乜胡椒味, 但咸咸哋都好醒胃 ^^ 点不同酱料一齐食就风味更佳!!喺我哋仲享受紧薄饼之际, 饮品就已经送到! 我点咗 Lassi Mango, 而男友就点咗名为 Godfather 嘅啤酒 ^o^ 佢贪个名够趣怪!! Lassi Mango 超好饮, 喺我饮过最好饮嘅一杯! 芒果味超浓, 配合酸乳特有嘅口感, 真系冇得弹 (≧3≦) 个啤酒就中规中矩, 冇乜特别!喺我仲陶醉于 Lassi Mango 嘅美好之时, 串烧五香鸡件又俏俏地送到 ^^ 香滑惹味嘅香鸡件, 配埋被铁板煮熟嘅洋葱一齐食~ 真系好味
一开门, 浓浓嘅香味已经扑面而来, 真系未食先兴奋! 餐厅嘅环境都不错, 暗暗哋嘅灯光配合充满印度风味嘅装修, 感觉舒适! 而且餐厅入面仲有一个酒吧, 都几特别 ^^ 因为喺重庆大厦𠮶边未见过!!
一坐低, 侍应就即刻亲切地送上免费嘅胡椒薄饼 ^^ 仲随饼附上薄荷酱, 酸辣酱 & 腌洋葱粒~ 薄饼好脆, 虽然冇乜胡椒味, 但咸咸哋都好醒胃 ^^ 点不同酱料一齐食就风味更佳!!
喺我哋仲享受紧薄饼之际, 饮品就已经送到! 我点咗 Lassi Mango, 而男友就点咗名为 Godfather 嘅啤酒 ^o^ 佢贪个名够趣怪!! Lassi Mango 超好饮, 喺我饮过最好饮嘅一杯! 芒果味超浓, 配合酸乳特有嘅口感, 真系冇得弹 (≧3≦) 个啤酒就中规中矩, 冇乜特别!
喺我仲陶醉于 Lassi Mango 嘅美好之时, 串烧五香鸡件又俏俏地送到 ^^ 香滑惹味嘅香鸡件, 配埋被铁板煮熟嘅洋葱一齐食~ 真系好味到难以形容!! 只能讲, 鸡件腌得好入味, 烧起上嚟外面焦焦地, 但内里仲好滑… 真系食到停唔到口呀!!!
紧接出场嘅系香料炒饭 ^^ 白饭混合咗好多香料一齐炒, 粒粒分明又唔油腻, 味道好特别! 不论配咖喱或直接食, 都一样美味!!
同一时间出场嘅仲有原汁咖喱牛腩 ^^ 一放低, 已闻到香浓嘅咖喱味, 少少辣, 超惹味! 而且啲牛腩好稔, 不论配烤饼或炒饭一齐食, 都令人食指大动 ^^
点得咖喱, 除咗饭之外, 又点少得烤饼吖! 为食嘅我哋就两样都点哂 (￣∇￣) 我哋点咗蒜蓉烤饼 ^^ 外脆内软, 加上颇多嘅蒜蓉~ 就算唔点咖喱汁直接食, 都包你食到停唔到口!!
原本想试吓印度甜品, 但因为点咗太多饱肚嘅美食, 食完已经超饱… 唯有留待下一次啦…! 点知埋单之时, 侍应又送上一碟免费嘅甜点 ^^ 一碟盛载住好多香草 (香草入面又有啲有香草味嘅糖珠) & 糖晶嘅拼盘 ( ´▽` ) 好唔好味就见仁见智, 但我食完之后, 觉得咖喱嘅辣即刻减退哂~ 哈哈, 难道印度人就系食呢啲嚟代替香口胶!?
呢餐简单嘅晚饭真系充满惊喜 ＼(^o^)／而且味道好到冇得弹! 不愧为正宗印度菜馆, 真系比重庆大厦𠮶边啲餐厅更加美味!! 真系一间不能不推介嘅餐厅~
张贴
