影片
更多
2012-09-11
33 浏览
一讲豚王, 应该冇唛边个唔识, 日日都咁多人慕名而来排队食佢地嘅拉面 !! 但系咪真系咁好食呢...我一直有d怀疑, 因为我个人认为要系日本先食到日本拉面嘅精髓...无论汤底, 麺条, 叉烧及配菜, 所以甚少系香港食日本拉面...再加上排队等位要成大半个钟以上 !! 是否值得呢?!我一次都未尝过佢地嘅拉面就咁主观地下判断...未免对这间人气之店不公平!! 所以决定揾日嚟一试 适逢今日放假, 我就即管去试一试。但我就冇选择到中环总店, 返而去咗灯笼街嘅分店。见今日系weekday...我估应该会少d人啩。我去到时见只得四五个人系门口排紧队...我心谂good la !! 点知店员比咗张order纸我填先...然后叫我去街尾地盘附近条龙度排队 !! OMG, 原来佢地唔想妨碍邻近嘅店舖而分咗两条龙...之前经过还以为佢地等紧车添...晕 !! 好彩两条队加埋都系得十个人...最后我都系等咗15分钟左右，比我预期中快 我按照我嘅喜好order咗豚王, 叉烧要肩肉, 加葱, 本身我不太喜欢太浓味嘅汤底, 所以调味浓度都选择咗普通, 而面条嘅软硬度就选咗硬与软之间...哈哈 !! 咪即系"普通"
我一次都未尝过佢地嘅拉面就咁主观地下判断...未免对这间人气之店不公平!! 所以决定揾日嚟一试
适逢今日放假, 我就即管去试一试。但我就冇选择到中环总店, 返而去咗灯笼街嘅分店。
见今日系weekday...我估应该会少d人啩。我去到时见只得四五个人系门口排紧队...我心谂good la !! 点知店员比咗张order纸我填先...然后叫我去街尾地盘附近条龙度排队 !! OMG, 原来佢地唔想妨碍邻近嘅店舖而分咗两条龙...之前经过还以为佢地等紧车添...晕 !! 好彩两条队加埋都系得十个人...最后我都系等咗15分钟左右，比我预期中快
我按照我嘅喜好order咗豚王, 叉烧要肩肉, 加葱, 本身我不太喜欢太浓味嘅汤底, 所以调味浓度都选择咗普通, 而面条嘅软硬度就选咗硬与软之间...哈哈 !! 咪即系"普通"啰
另外亦加咗紫菜及半熟蛋。
店内不大只有五张圆枱, 每张坐五个人, 枱与枱相隔亦很近, 坐得比较局促。坐咗一阵, 店员就先送上半熟蛋及紫菜。哗 !! 紫菜足足有一张手巾咁大块...
再过咗5分钟, 碗拉面到啦...
我就先尝一口豚骨汤, 汤底比我预期中好味道, 不太浓又不太淡, 可能因为order时可按个人口味去选择吧，再加上佢地自家秘制嘅炎之酱(辣酱) 1辛(小辣), 令汤底有少少香辣. 十分惹味 !!跟著我将紫菜及蛋都放进面里...开始食面, 面条软硬适中, 不错。
至于叉烧肩肉, 肉质比角煮硬身一点亦比较有咬口, 而且足足有两大块添 !!
半熟蛋一咬开, 流心蛋黄除即流下非常juicy, 正 !!
果然系名符其实嘅人气拉面店 !!
可以比我去日本之前先顶一顶瘾...哈哈
张贴
