影片
更多
2021-11-28
549 浏览
又到放假出去揾嘢食嘅日子，呢日嚟到太子揾到呢间专食饺子🥟嘅「专门店」星期六嘅下午都有唔少人等位，不过好快就可以入座。饺子选择方面基本上分汤饺类同煎饺类，另外比较特别就系有车仔面选择，真系一次过可以满足晒3个愿望！首选当然煎饺啦，有3款唔同口味，但煎饺必然系拣韭菜饺，无得输！▶️煎韭菜饺 (10只) - 每只都大大只，差不多1只等如人哋2只，而且皮薄馅料亦好丰富，必试之选！▶️汤饺就试咗白菜肉饺 (另加了米线底) - 亦都大大只，但比较起上嚟，韭菜会比白菜肉香。汤底清淡得嚟有味，店员声称佢哋嘅汤底系无味精嘅生鱼猪骨汤底，是真是假？反正我信了，哈！▶️车仔面 - 𩠌料就一般有嘅大路选择，我哋亦点咗大路嘅猪皮鱼蛋试试，猪皮正常，但鱼蛋就争少少，无人哋街边档口嘅咁好食，而汤底亦欠缺了腩汁，如果加了色会更似一碗车仔面，总结就系可以唔使试，直接食饺子就好！▶️辣菜脯 - 随意添食，加落汤饺会更惹味，但其实都几辣，自问食得辣嘅都辣到出晒汗@@总结：食物质素好好，「美味饺子店」又真系讲得无错，店内格局尚算整洁，但唔好期望会坐得好舒服，至于价钱方面贵定平就见仁见智，我自己就觉得无食过嘅不妨一试！
星期六嘅下午都有唔少人等位，不过好快就可以入座。饺子选择方面基本上分汤饺类同煎饺类，另外比较特别就系有车仔面选择，真系一次过可以满足晒3个愿望！
首选当然煎饺啦，有3款唔同口味，但煎饺必然系拣韭菜饺，无得输！
▶️煎韭菜饺 (10只) - 每只都大大只，差不多1只等如人哋2只，而且皮薄馅料亦好丰富，必试之选！
▶️汤饺就试咗白菜肉饺 (另加了米线底) - 亦都大大只，但比较起上嚟，韭菜会比白菜肉香。汤底清淡得嚟有味，店员声称佢哋嘅汤底系无味精嘅生鱼猪骨汤底，是真是假？反正我信了，哈！
▶️车仔面 - 𩠌料就一般有嘅大路选择，我哋亦点咗大路嘅猪皮鱼蛋试试，猪皮正常，但鱼蛋就争少少，无人哋街边档口嘅咁好食，而汤底亦欠缺了腩汁，如果加了色会更似一碗车仔面，总结就系可以唔使试，直接食饺子就好！
▶️辣菜脯 - 随意添食，加落汤饺会更惹味，但其实都几辣，自问食得辣嘅都辣到出晒汗@@
总结：食物质素好好，「美味饺子店」又真系讲得无错，店内格局尚算整洁，但唔好期望会坐得好舒服，至于价钱方面贵定平就见仁见智，我自己就觉得无食过嘅不妨一试！
张贴
