一碗小麵

营业中

休息中

身为一个米线控，呢间嘢我想试好耐，但平时男友嫌佢小嘢拣嫌佢坐得辛苦，我惟有好好把握一个人嘅时候过嚟试吓。星期三晚上一拨开胶布入去，都几full吓，为咗唔同人迫，我拣咗门口面𤩹自闭位。好快，操劲咸唔淡广东话嘅大妈过嚟介绍菜式，我唔熟架步，谂住谭仔咁自由组合，但原来一定要拣个面底，是但拣咗个牛筋底再加腐竹油麦菜。大妈不断sell我叫小食同嘢饮，话会唔够饱，与其饮支装糖精酸梅汤，我叫咗zero。唔怪得之大妈怒 sell小食啦，呢碗坚系小面，份量双拼鱼蛋云吞河咁上下，一滴多余嘅汤都冇。支竹系硬嘅，油麦菜同牛筋份量ok，酸辣汤底嘅麻酸辣亦做得平均，所谓小面，系米粉咁上下粗嘅上海面。大妈一直企喺我后面拨开胶布拉客，冇冷气可言（怕热嘅男友唔嚟系啱嘅）。而成间餐厅都系操国语嘅学生，唔通佢味道正宗？埋单承惠$66 (牛面底50几加两𩠌加zero) 相同价钱我去三哥会开心好多啰。