小食糖 (已結業)

位于商场入面嘅食肆，大部份都系集团经营，千篇一律，闷都闷死。难得美丽华商场入面一个角落中有一间台式小店名为小角落。入去先要去柜台俾钱落单，自行揾位，然后就等攞嘢食。小角落嘅装修犹如一个七八十时代嘅班房，黑板、木枱、木凳，书架上仲有图书漫画。佢嘅面积虽然好细，但由于其中一面对住商场中庭，所以一啲局促嘅感觉都冇。今日去到竟然冇饭供应，朋友叫咗个牛肉面都几好食，我就叫咗炸鸡汤面。佢嘅炸鸡好大份，炸得亦好香，真系令人觉得有一啲台湾夜市炸鸡嘅感觉。五十零蚊一份面食，而且有着咁特别嘅装修，系抵食嘅。