影片
更多
2014-01-18
706 浏览
已经有成差唔多一年冇写过食评了, 见宜家sem break得闲就黎update下, 皆因最近食过一间唔错既餐厅, 我好欣赏, 值得我为佢写2014年既第一篇食评 。第一次去呢度食系十二月既事黎, 果时佢已经开张左两三个月, 听妈子讲话有间野开左系新墟, 周围派传单, 反正都谂唔到食咩, 择日不如撞日, 即刻去左试 。去到店果时真系窒左一窒, 估唔到佢会开系呢度, 呢条街好静, 平时都唔多人行, 好少食肆会开系呢D位(隔离间妙法斋都系有熟客客源先生存到咁耐), 不过既然佢咁有信心开系呢度, 点都要入去一试。店面有个大蕃茄, 好符合TOMATO专门店既形象 门口外面有一个大餐牌, 上面写左当日既set, 佢得A同B两款, 不过唔理lu, 医肚紧要, 妈子叫左个set lunch粟米汁龙利柳饭, 我叫左个menu上既鲜茄MIXMIX肉肠意粉, 佢地所有饭/意粉餐都有得跟一杯苹果汁/橙汁, 等左十分钟, 终于上枱 , 可能因为我地十一点几去既关系, 佢地岩岩先煮, 所以要等下 上到枱, 卖相真系一流, 睇落真系拍得住D高级餐厅, 食落亦有相当水准, 先试个酱汁, 睇得见一旧旧既蕃
第一次去呢度食系十二月既事黎, 果时佢已经开张左两三个月, 听妈子讲话有间野开左系新墟, 周围派传单, 反正都谂唔到食咩, 择日不如撞日, 即刻去左试 。
去到店果时真系窒左一窒, 估唔到佢会开系呢度, 呢条街好静, 平时都唔多人行, 好少食肆会开系呢D位(隔离间妙法斋都系有熟客客源先生存到咁耐), 不过既然佢咁有信心开系呢度, 点都要入去一试。店面有个大蕃茄, 好符合TOMATO专门店既形象 门口外面有一个大餐牌, 上面写左当日既set, 佢得A同B两款, 不过唔理lu, 医肚紧要, 妈子叫左个set lunch粟米汁龙利柳饭, 我叫左个menu上既鲜茄MIXMIX肉肠意粉, 佢地所有饭/意粉餐都有得跟一杯苹果汁/橙汁, 等左十分钟, 终于上枱 , 可能因为我地十一点几去既关系, 佢地岩岩先煮, 所以要等下
上到枱, 卖相真系一流, 睇落真系拍得住D高级餐厅, 食落亦有相当水准, 先试个酱汁, 睇得见一旧旧既蕃茄肉包住D酱汁, 咬落啖啖肉, 汁同肉一齐系口腔里面迸发出来, 浓郁既茄味即刻充满哂成个口, 接住食既意粉亦都食到秘制酱汁既味道, 肉肠则冇乜特别, 一般般。整体黎讲, 基本上系食佢既招牌蕃茄, 真系做得有水准 我自问食过咁多茄汁意, 食到冇用现成货开既已经少之又少, 净系自家制呢一点已经值得我再去帮衬, 加上我又系钟意食蕃茄之人, 一个字: 正!!! 橙汁就普普通通。至于妈子既set, 佢话D粟米汁OK, 浓度恰到好处, 薄身一层包住饭同鱼, 味度亦带微甜, 非常适合送饭, 个龙利柳系炸既, 呢个真系有惊喜, 鱼炸得好香口, 外脆内嫩, 鱼本身冇太多既调味, 冇盖过佢本身既鱼味, 而系靠个汁带起, 又系一个赞顺带一提, 我之后都黎呢度食过好几次set lunch, 佢D炸野真系好好食, 炸鸡翼、炸鱼都系大力推介!而且佢set lunch都只系$36, 坚系抵! 而且份量又OK, 再加埋杯野饮, 其实够哂数
之后有次去左食早餐, 谂住试埋佢地既招牌蕃茄汤, 入到去睇住个menu, 谂左好耐, 因为佢D价钱同份量都有D微妙
$29双拼(多几款选择)粉面早餐(转蕃茄汤+$3) VS. $30蕃茄双拼粉面早餐+西多士, 睇你好唔好蕃茄, 唔好既就会系$26果个抵D, 不过我果时唔太肚饿, 所以叫左个$29既火辣牛丸拼汉堡扒蕃茄浓汤螺丝粉, 早餐全部系跟果汁/咖啡/茶, 照旧橙汁, 今次呢餐系睇左OP食评先去的, 所以唔驶谂一定系叫螺丝粉, 意粉会难吸汁, 果然冇叫错, 螺丝粉焯得刚刚好, 软软的, 坑纹锁实左汤汁, 一绝!蕃茄汤亦冇令我失望!极度浓郁且充满茄香, 个汤浓到甚至食到蕃茄碎同皮, 不愧为招牌, 必食! 黎到呢度唔食佢同冇黎过冇分别, 加果3蚊绝对系物有所值! 至于火辣牛丸则麻麻地, 只有辣味而冇其他味, 即使浸系蕃茄浓汤入面仍然吸唔到味, 呢个唔推介汉堡就冇咩特别, 都系普通现成货。而妈子就叫左松软猪扒蕃茄浓汤螺丝粉配西多士, 最主要系要试佢个松软猪扒, 因为见好多食家都推介佢, 果然正! 佢好食在唔同出面一般茶餐厅既猪扒, 出面果D会拿得好劲, 基本上只系食到松肉粉/鸡粉味, 但佢呢度就做得好好, 入味之余又唔会韧, 完全做到「松化」呢一点, 实为上品。不过佢既份量足以抵得上一个lunch, 稍为细食既朋友食完佢都唔驶食晏咁滞, 而且佢早餐做到十一点半, 早一点黎不妨一试, 当做lunch都唔错
题外话/补充资料：
set lunch抵食!
(以上食记乃用户个人意见 , 并不代表OpenRice之观点。)
张贴
