棋哥燒鵝 (已結業)

一路都有听过棋哥烧鹅好出名 今日收工特登嚟会一会外卖返去试下~ 等咗五分钟左右已经ready 好快手！棋哥烧鹅片饭斋睇卖相已经非常吸引 烧鹅烧得色泽均匀 鹅皮香脆 肥瘦啱啱好 带点油香之余 啖啖肉又唔会太肥 配搭埋酸酸甜甜嘅酸梅酱 味道一绝！乳猪五宝饭五宝饭入面有乳猪 叉烧 切鸡 红肠同咸蛋 非常丰富 而且份量仲唔少！ 不得不赞佢嘅乳猪 皮脆肉嫩 而且猪肉一啲都唔骚 而叉烧肥瘦适中 味道天然 唔会好似出面食开咁假又重色素 咸咸甜甜啱啱好~ 仲有切鸡好厚肉 鸡肉好嫩滑仲保留到肉汁水分🥰 最后配埋咸蛋捞饭超满足！值得一赞系佢嘅例汤都非常足料 而且唔会有味精 感觉天然又健康！