點一龍 (海港城) (已結業)

因为我个朋友非常钟意饮茶，于是乎我哋就喺海港城揾咗呢间茶楼，谂住试吓佢个放题，仲专登约咗星期五先嚟，因为我哋误会咗，以为星期一至五先至有呢个$188放题，原来只系一至五有discount。佢个放题都有几多嘢食，睇啲餐单，两个人根本就唔会食得晒╮(￣▽￣"")╭之前喺OpenRice见到人哋话系高质放题，我~完全系充满期待。一上场，佢哋就每人送一只瑞士鸡翼，普普通通啰甜甜地。再送多每人一只燕窝蛋挞，冻嘅，唔吸引。跟住我哋试佢哋啲点心，第一轮都叫咗好多，有虾饺、凤爪、小笼包、奶黄流沙包同埋烧卖。虾饺~啲虾好似唔新鲜，一咬个皮，就有水流出嚟。凤爪~雪藏味好重。小笼包~还算OK，不过佢啲肉好大阵姜味。烧卖~上面有一粒杞子痴喺度，好明显系一啲外来嘅入货，而唔系佢哋自家师傅整嘅。奶皇包~唯一可取就系依个奶皇包，热辣辣，仲系流心。为咗要试吓佢哋系咪自家师傅做点心，于是乎我哋就嗌多咗一碟叉烧肠，春卷，牛肉，仲有叫咗碗杨枝甘露。叉烧肠~完全系垃圾，因为好明显系翻叮出嚟，因为佢哋连只碟都系热㗎。春卷~都OK嘅，起码佢系热辣辣嘅at least。牛肉~普通质素冇乜特别可言。杨枝甘露~完全冇芒果味，得个冻字。