影片
更多
2013-08-14
1045 浏览
自从翠华上市后，分店开得其门若市。今日终于都有机会一睹香港首间上市茶餐厅的真面目。一入去感觉好嘈。听闻翠华的猪仔十分有名，于是点了一个常餐。( 海藻餐肉芝士面+炒蛋+ 牛油猪仔+ 茶走) $43。佢的常餐同一般茶餐厅唔同，要系两点半之后先可以点。海藻餐肉芝士面系冇芝士味的。汤底好咸，入口好大阵味精味。食完之后隔左一阵觉得好口干。面唔系出前一的口感，亦都唔系平时黄色包装芝士面的口感。一丁面系比较爽身，而黄色包装芝士面系比较弹牙，佢的口感就介乎两者之间，有小小硬而带有小小依韧。至于海藻就系正常系餐厅食到个阵味。而餐肉都系正正常常。意料之外的系切得比菜单上的图 大件。炒蛋几有蛋味，不过唔够蛋香。咬落去唔会太老，有小小蛋汁。不过唔够滑。 牛油猪仔比期望之中差。所谓希望愈大，失望愈大。咬落去几脆，亦都有几香的牛油味。如果话系招牌菜未免太夸张，因为感觉十分普通，自己屋企都整到呢阵味。只要系面包店买个猪仔包烘热佢再加啲牛油都可以有同样的味道。最后茶走反而有惊喜。茶走好似愈黎愈少茶餐厅有。其实一路都唔系太知茶走系咩野，睇佢个MENU介绍先知原来茶走系落左炼奶的奶茶。(姐系唔落砂糖。) 言归正转，茶走入
一入去感觉好嘈。听闻翠华的猪仔十分有名，于是点了一个常餐。( 海藻餐肉芝士面+炒蛋+ 牛油猪仔+ 茶走) $43。佢的常餐同一般茶餐厅唔同，要系两点半之后先可以点。
海藻餐肉芝士面系冇芝士味的。汤底好咸，入口好大阵味精味。食完之后隔左一阵觉得好口干。面唔系出前一的口感，亦都唔系平时黄色包装芝士面的口感。一丁面系比较爽身，而黄色包装芝士面系比较弹牙，佢的口感就介乎两者之间，有小小硬而带有小小依韧。至于海藻就系正常系餐厅食到个阵味。而餐肉都系正正常常。意料之外的系切得比菜单上的图 大件。
炒蛋几有蛋味，不过唔够蛋香。咬落去唔会太老，有小小蛋汁。不过唔够滑。
牛油猪仔比期望之中差。所谓希望愈大，失望愈大。咬落去几脆，亦都有几香的牛油味。如果话系招牌菜未免太夸张，因为感觉十分普通，自己屋企都整到呢阵味。只要系面包店买个猪仔包烘热佢再加啲牛油都可以有同样的味道。
最后茶走反而有惊喜。茶走好似愈黎愈少茶餐厅有。其实一路都唔系太知茶走系咩野，睇佢个MENU介绍先知原来茶走系落左炼奶的奶茶。(姐系唔落砂糖。) 言归正转，茶走入口有好香浓的茶味，带有小小的甜味，有小小涩，但系涩得黎又几好饮。而且有香滑的感觉，到饮到最后一啖有小小炼奶的味道，为呢杯茶走画上一个完美的句号。
至于服务真系好唔得。冇笑容。侍应的人数好明显唔够，训练亦都唔足。我讲左落单超过4次先有侍应走黎采我。更住佢入单的时候亦都入得好慢。有一啲侍应系楂住一部好似电子手帐的机去落单，一系就笃得好慢，一系就系咁笃笃笃，手写的话一早落完单。人力资源分配亦好唔平均。当侍应好忙咁要招呼客人，收银正坐著两位姐姐系到吹水。
翠华虽然系上市公司，但系食物质素和服务都比一般茶餐厅差，但取价却比佢地高。虽然茶走出色，但系都改变唔到比喊脸的结局。
张贴
