影片
更多
2011-01-08
19 浏览
新一年，一早订左台，订位时已request想坐贴墙既位，想静d！7:00 pm，上到去都唔系好多人，我同老公被安排坐系房入面一张六人台，我都觉得奇怪，我想静d，但都唔洗要咁大张台啊！隔左大概十几分钟，有两位客人被安排坐系我地张台，oh.....原来可以搭台，唉，估唔到讲到咁正宗既日本菜都要搭台，不过算啦，香港地，地方细嘛，而且我地已经好好啦，有四个位，个两位客人张台被块木板间开，得两个位加一张驳长"小小"既台仔！仲要无调味料架！所以..............算啦........d waitress好似唔系好识听中文，因为佢地听完我地讲野，好似要谂一阵咁，老公话系尼泊尔人！我地先叫左个特上和牛拼盘先再慢慢睇食咩好！而呢个拼盘系我觉得唯一抵食，话晒都系日本和牛嘛！(无奈地)之后加左碎牛肉剌生饭，生菜并盘，1杯大啤酒！本来想试下厚切牛舌(食评话好味嘛)，但惊食唔晒所以无叫，免得浪费，因为如果呢间餐厅好食，下次再黎试law！和牛拼盘已经食左一半，等左20分钟都未有生菜并盘同啤酒，我地停晒手，就系等d生菜，点之隔离台杯饮品迟过我地叫，但5分钟之内已经饮紧，应该系漏单啦，我就叫落单个位尼泊尔wa
隔左大概十几分钟，有两位客人被安排坐系我地张台，oh.....原来可以搭台，唉，估唔到讲到咁正宗既日本菜都要搭台，不过算啦，香港地，地方细嘛，而且我地已经好好啦，有四个位，个两位客人张台被块木板间开，得两个位加一张驳长"小小"既台仔！仲要无调味料架！所以..............算啦........
d waitress好似唔系好识听中文，因为佢地听完我地讲野，好似要谂一阵咁，老公话系尼泊尔人！
我地先叫左个特上和牛拼盘先再慢慢睇食咩好！
而呢个拼盘系我觉得唯一抵食，话晒都系日本和牛嘛！(无奈地)
之后加左碎牛肉剌生饭，生菜并盘，1杯大啤酒！本来想试下厚切牛舌(食评话好味嘛)，但惊食唔晒所以无叫，免得浪费，因为如果呢间餐厅好食，下次再黎试law！和牛拼盘已经食左一半，等左20分钟都未有生菜并盘同啤酒，我地停晒手，就系等d生菜，点之隔离台杯饮品迟过我地叫，但5分钟之内已经饮紧，应该系漏单啦，我就叫落单个位尼泊尔waitress帮我地跟一跟，但老公唔放心，叫左个男仔帮我地跟，好快就有啤酒饮啦，唉..........早知一早追单啦........
用"生菜+蒜头"包和牛西冷&肉眼就真系有d浪费，因为肉质嫩滑，脂肪分布得好均匀，满口油香(所以我只用生菜)，但"生菜+蒜头"包厚切和牛胸外膜&牛舌就无咩所谓啦，讲真，真系麻麻地！
碎牛肉剌生饭系老公闻到附近有人食，觉得好香所以叫既，但试过就真系麻麻地，会有d硬硬既饭焦，本人对饭焦就无咩喜好，而且佢硬硬之余又唔系好香口，仲要望两眼个饭就拎出去分，分完之后，见到个样已经.....................只系分到两碗，而且仲唔满，牛肉刺身已经变成熟牛肉丝，仲要$100食个咁既饭，好后悔无叫白饭！！老公都好唔好意思咁同我讲："hehe，头先闻好似好香咁，算啦，咩都试下嘛"，又系既，唔食过，点知系咁既款.............
中间仲有一段小插曲，有一家日本人，食食下个bb女由榻榻米跌落地下，不停大喊，父母都好狼狈，好快食完就结帐，走既时候问个waitress要"plastic bag"，但佢又听唔明，日本爸爸讲左3次，佢都唔明，最后都放弃，但个waitress竟然无叫其他同事帮手，问下日本爸爸想要咩，日本爸爸最后就无奈走左！好老实讲，食物质数就唔系唔好食，但同系日本食既比较，就仲差一段距离，同香港其他餐厅比较，又好多都有咁既质数，而且唔洗咁贵，咁既价钱，咁既服务，真系未必会再黎！
张贴
