影片
更多
2019-11-24
8037 浏览
久闻天香楼大名，亦舒同蔡澜都曾经讲过食中菜必食天香楼，或是全香港最好嘅杭州菜江浙菜一定系天香楼云云，早于二、三十年前已经系香港富豪饭堂，小女子尚年青，之前未有来过，刚好有朋友叫食饭，终于有机会黎试试，应该系一世人唯一一次，以后就算有人请都唔会再黎。 首先，我最唔钟意餐牌系手写价钱，即系话个价系海鲜价，呢个非常不合理，本身如果系时令食物例如大闸蟹之类，你手写无问题，但我就唔系好明为咩连个东坡肉都系手写银码。成个感觉就好唔老实，有钱黎食，唔代表要俾你揾笨。 再来，朋友之前系有光顾过，今次要就佢时间，要等佢外语课落堂先食，咁佢订台系晚上9：30，我哋成班朋友不虞有诈，不过都因为怕太夜早左到，点知坐低无耐侍应就同我哋讲9：30 系 last order， 佢地厨房收工，然后话佢地铺头系收10 点。 当堂呆一呆，如果系咁，点解仲接受 9:30 订位？ 系咪整古人？ 唔紧要，咁叫𩠌系住等啦，朋友一打开餐牌，即时放低话唔敢叫，因为价钱贵得不合理，我因为心知呢度大约系咩价位，大家睇完一轮都无人想叫就由我发办，本身想多叫几款所以打算叫细碟
首先，我最唔钟意餐牌系手写价钱，即系话个价系海鲜价，呢个非常不合理，本身如果系时令食物例如大闸蟹之类，你手写无问题，但我就唔系好明为咩连个东坡肉都系手写银码。
成个感觉就好唔老实，有钱黎食，唔代表要俾你揾笨。
再来，朋友之前系有光顾过，今次要就佢时间，要等佢外语课落堂先食，咁佢订台系晚上9：30，我哋成班朋友不虞有诈，不过都因为怕太夜早左到，点知坐低无耐侍应就同我哋讲9：30 系 last order， 佢地厨房收工，然后话佢地铺头系收10 点。 当堂呆一呆，如果系咁，点解仲接受 9:30 订位？ 系咪整古人？
唔紧要，咁叫𩠌系住等啦，朋友一打开餐牌，即时放低话唔敢叫，因为价钱贵得不合理，我因为心知呢度大约系咩价位，大家睇完一轮都无人想叫就由我发办，本身想多叫几款所以打算叫细碟
（系，佢大部份菜色都有分大中小三个价钱），但侍应响呢个时候提醒我，每位有最低消费$700, 我咁样叫系唔会食到数，最后都系收足钱，我地7个人，即系未计加一都要＄4900，所以我都唔想再谂，叫佢将份量变成中码。
最后我哋叫咗：（我唔 post 相，因为食到第 3 度已经无心机影）
三拚冷盘（海蜇、酱鸭、鸭舌）＄328
海蜇有麻油香，不错，鸭舌一味咸，完全食唔到任何味道，酱鸭咸到连用黎送酒都觉得系错！
龙井虾仁（小）＄388
完全食唔到龙井嘅清香，佢只系响虾仁上面洒咗十几条茶叶上去，虾亦无河鲜味，最后要靠蟹醋去提味先食得完，咁我叫呢个菜嘅目的系为咩呢？
糖醋排骨＄298
正常发挥，但只需用一半价钱，我响任何一间上海菜馆都食到同样味道。
东坡肉＄288
一盅有4旧，食唔到入口即化嘅猪肉香，我朋友食完评语系：「旧瘦肉好鞋」
你咩时候会用「瘦肉（发音：玉）黎形容一旧猪肉？
系煲完汤剩低果d 汤渣呀！大佬！
辣子鸡丁＄308
完全食唔到辣味，只系食到一碟好多芡汁，一粒粒好鞋口嘅鸡肉
炒三鲜＄298
我唔知入面有边三鲜，因为果碟嘢上台时，成个卖相同厨余无咩分别，我本人完全提不起意欲去夹黎食。只知一定无牛骨髓因为侍应话佢地无牛卖。
椒盐鳝背＄478
成晚食过最好就系呢一碟，真正无骨，够热，香口。
蟹粉豆苗＄1160
千几蚊食一个蟹粉豆苗值唔值就真系见仁见智，蟹粉份量系算多，豆苗亦炒得非常好，唔油，鲜甜，但呢个价钱就真系有点儿那个。
蟹粉拌面＄428 （叫咗 3 碗 Share, 合共 ＄1284）
蟹粉分开一碟上，份量不多不少，面好食，但唔会好食到哗一声。
计埋一支酒嘅开瓶费，另外叫咗一个白饭，茶芥连加一，成餐饭盛惠＄5951
钱都算，最惨系食物质素大多都非常一般，一般到我去其他中价上海菜馆都食到呢个水准，你话食环境食气氛咩？
佢铺头老旧得黎毫无特式，单就只系一个旧字，而最大件事系服务。
全晚只有一开始招呼我哋，帮我哋落单果位系侍应系有礼貌，一开始讲过喇，负责订台吹鸡食饭果位朋友，9：30 先落堂，赶到黎已经10点，我见到铺头真系即刻较暗晒d灯光，有侍应出门口收闸（当时店内连我哋仲有至少4台客），朋友到之前，另一个阿叔侍应加一个阿姐，已经不停叫我哋打包台上食物，话冻咗唔好食，问佢可唔可以帮手热一热个蟹粉，或俾碗热白饭我朋友，佢哋就话厨房收工走埋喇。
到朋友赶到黎，佢都唔计较，台上有咩都食埋先，果个阿叔不停响隔离叫佢唔好食，叫佢打包，然后不停收我哋台上啲碟，之后又话无车返屋企呀，好惨呀，然后，成个收碗碟用嘅银盘放上我哋台面，去到呢个地步，我哋都唔想再讲，叫佢帮手打包2－3个菜走人。
一路pack 果阵，仲俾我另一个朋友听到佢哋讲：「蚀咗半个钟」。
最后几台客一齐走果个画面，简直同电视见到嫖客去一楼一被差佬捉到，一个跟一个咁被人推出去无咩分别。
收呢个价钱，食物质素对唔住佢个价，服务差，环境一般，7个人黎食，埋单位位＄1200，我谂响呢个时势有大把更好选择。
呢种曾经风光嘅老牌食店，去到今时今日，同一个已经人老珠黄但仍死撑尚余三分姿色唔肯面对现实嘅女子一样，上厚粉遮掩倦颜，露出一口烟屎牙犹自故作风情，旁人见到真相，只会更添厌恶。
张贴