Pici

营业中

休息中

呢间餐厅呼声好高，基本上冇听过去食嘅人话唔好食，甚至连一般黎形容都冇。多数朋友都话抵食，份量大，以呢个价钱食到呢啲野好抵。小编实在好期待会系点。点知试左之后真系好失望😅侍应介绍$290嘅tasting menu，但我地想散叫。呢个肉丸系自家制，好食。啲肉偏瘦，唔多肥膏，调味亦唔会太浓。但败笔在于个番茄酱度 真系咸到一个形容唔到嘅地步，简直可以话系破坏味蕾。呢个parma ham令小编有啲o咀，因为佢就咁斋上，咩伴碟都冇😅 我地惟有用餐面包黎𩠌质素一般，唔太咸又冇咩味咁，薄薄地一大片咁，十足系欧洲超市一两欧都买到𠮶啲😂呢个芝士云吞实在又系咸到形容唔到，真系唔知厨房咩事个松露意粉算系正常少少，个意粉弹牙同好实净，个汁终于都唔会过咸。但感觉唔值呢个价。全餐最好食应该系呢个千层面。个面好脆好香，入面啲肉同粉嘅比例好好。成个面都好香口，啲肉酱唔咸，好味。Tiramisu 都好食，唔会太厚同溜，又唔会太甜。仲有个救左我地个parma ham嘅餐包，唔太特别，亦都唔热。侍应服务一般，呢度虽然话就话唔洗加一，但佢啲定价唔系太平，亦唔觉得有啲朋友讲到咁抵食。