常悅素食 (已搬遷) 新店位置

去开旺角谂系常悦素食有款东坡酱汁肉坊, 平时成日都想食东波肉, 无奈女仔怕肥唔敢食, 记得睇过食评话呢款素食做到同真的一样, 所以就专登黎试下。去到适逄系晚饭时间好多人等位, 本身自己唔系素食之人, 所以就直接叫外卖。一拎到手, 就即刻急不及待打开个盒试返旧, 菜都系趁熬食先得东坡酱汁肉坊食落去酱汁调教得唔错, 岩岩好, 唔会太咸太甜, 冇一般素菜的油同太浓味的问题。肥猪肉的迎份系用蒟蒻做的, 而瘦肉部分系豆制品, 味道口感都系唔错的。不过妹子认为同真的东坡肉一D都唔似, 特别系肥猪肉个部分, 肥肉的口感, 个种油脂香, 丰腴的感觉完全系冇, 蒟蒻食落爽口, 一食就知系假野; 瘦肉部分反而比较似, 而且比较入咪, 始终豆制品都比蒟蒻容易入味。不过妹子都明白呢个始终都系素食, 想唔肥, 又想食肥肉, 简直冇可能, 如果唔好谂住佢系东坡肉, 佢味道都算系做得唔错。