影片
更多
2011-09-07
14 浏览
终于有机会嚟试了！因为下昼三点几四点嚟，所以人唔算多，等咗一阵就可以坐了！先讲舖面，店比较细，好大机会同隔离有亲密接触，所以唔敢乱郁。因为一早写定纸仔，所以坐咗阵就有得食了！叉烧包：系几得意，松松脆脆咁，可惜唔系点食叉烧，所以无乜感觉。（阿姐见我哋无点最出名嘅＂酥皮焗叉烧包＂，就极力推荐然后强行帮我哋点咗一客，不过谂住反正嚟开，又唔太贵，所以无所谓。）虾饺：＂痴＂底，夹到烂晒，同埋有点咸。牛肉：食到一半先有陈皮味，还可以吧！烧卖：几钟意入面有冬菇！但咸咗啲！豆腐丸子：食咗一旧就无食了，味道好奇怪。马拉糕：还可以，唔算太甜，都算松，唔太实。牛肉肠粉：普普通通，无乜特别，如果唔叫多豉油，真系少到喊。可能出咗名，唔忧做，阿姐们嘅态度唔见得好好。叫几次先会加茶，张枱细，只要你慢咗少少比个位佢哋，阻住佢哋上菜，会换来黑面对待。同埋佢哋写明要叫佢哋嚟收钱埋单，当我哋咁做嘅时候，阿姐反怪我哋唔出去埋单，极混乱，完全唔知点。希望可以改善！P.S.离开店一阵，发现极口渴，味之素应该都几劲下！
先讲舖面，店比较细，好大机会同隔离有亲密接触，所以唔敢乱郁。
因为一早写定纸仔，所以坐咗阵就有得食了！
叉烧包：系几得意，松松脆脆咁，可惜唔系点食叉烧，所以无乜感觉。（阿姐见我哋无点最出名嘅＂酥皮焗叉烧包＂，就极力推荐然后强行帮我哋点咗一客，不过谂住反正嚟开，又唔太贵，所以无所谓。）
虾饺：＂痴＂底，夹到烂晒，同埋有点咸。
牛肉：食到一半先有陈皮味，还可以吧！
烧卖：几钟意入面有冬菇！但咸咗啲！
豆腐丸子：食咗一旧就无食了，味道好奇怪。
马拉糕：还可以，唔算太甜，都算松，唔太实。
牛肉肠粉：普普通通，无乜特别，如果唔叫多豉油，真系少到喊。
可能出咗名，唔忧做，阿姐们嘅态度唔见得好好。叫几次先会加茶，张枱细，只要你慢咗少少比个位佢哋，阻住佢哋上菜，会换来黑面对待。同埋佢哋写明要叫佢哋嚟收钱埋单，当我哋咁做嘅时候，阿姐反怪我哋唔出去埋单，极混乱，完全唔知点。希望可以改善！
P.S.
离开店一阵，发现极口渴，味之素应该都几劲下！
张贴