吉吉點 (已結業)

原本开开心心，有期望地去试食点心，点知一踏入门口，被一声大声而无尾音嘅男声叫停——坐呢度，只见当时12点只有两张枱人客，两人枱都多选择，不过为免争嗌都照坐低，唔够一秒又系一声——饮咩茶，略为考虑就即刻再问饮咩茶，可能呢啲叫效率啦。当剔完点心心后就同朋友倾下计，但啲员工不停高谈阔论，大大声声，令人感到烦扰，几艰难先过左25分钟，一样点心都未上，见迟过我地嘅客都有野食，虽然觉得奇怪，但都不好意思吹单，只好再等一下，直至等到29分钟先有野食。嚟嘅一碟虾饺，皮系薄，但块皮偏烂同散左，味道就一般。马拉糕细细旧，味道尚可，但原来系今餐算最好味。另一碟生竹牛肉睇得出系即蒸，算有heart，不过偏实，扣小小分。等到39分钟，系最后嚟嘅手工布拉肠粉终于到，一放入口，竟然系微暖而且一啲都唔滑，于是向刚才招呼我地嘅口罩男表示，佢竟然无反应，亦无解释，于是我地亦都唔再继续食，埋单算，以后又可以唔洗再帮衬。整体嚟讲，作为一间点心专门店嘅出品，只可以讲系一般水准，服务就超有改善空间，如果喺附近都可以帮衬，远就唔好专登去。