黃明記粥粉麵家 (已搬遷) 新店位置

下午走去九龙寨城𠮶边行下买嘢，跟住行到去𠮶头有啲肚饿就走去黄明记试下。 之前都煲过下话佢嘅墨鱼丸好食，咁我就畀40几蚊就试咗个四宝丸。有鱼皮饺，猪肉丸，墨鱼丸， 鱼蛋。鱼蛋，完全冇特别，唔系特别好食。猪肉丸，ok啦，又冇话特别香。墨鱼丸，确系好食嘅，有一啲芹菜定唔知茜芫或葱。同埋有马蹄定唔知沙角嘅嘢， 食落好爽。所以都卖得好贵，一斤要140蚊 。重点我想讲 鱼皮饺完全唔掂! 同埋系未熟啰!个皮整到劲厚，我食咗一半就跟住吐咗出嚟。另外𠮶粒，个皮一咬开都系未熟，好厚同埋唔系透明𠮶啲。睇得出块皮仲系白色㗎!𠮶粒肉系梅咗㗎。我食咗少少跟住都冇食啦 。完全系垃圾!!!收枱𠮶阵我同阿姐讲我话个鱼皮饺好难食。佢： 系呀？ 我：你睇𠮶个皮，完全唔熟嘅!佢唔出声 ， 走左。个汤我觉得好油 ，你可以见到啲油系成尺咁厚浮喺面。呢间嘢我唔会再食，本身我有谂过买半斤墨鱼丸走。但计返半斤都要70蚊，半磅真系太贵。我喺牛池湾街市有一档都好好食 ，卖35蚊一磅 。 我自己觉得好食嘅，都唔需要买得咁贵，咪又系墨鱼丸。