麵屋武蔵 (新鴻基中心) (已結業)

三五知己lunch hour 黎试食呢间面屋武藏，lunch hour 都好快等到位。白武骨豚肉同黑武骨豚肉都叫做不过不失，但系日本过江龙拉面黎讲，佢算系最无特色同惊喜。平平无奇的猪骨汤，加上幼身拉面同埋两片豚肉，认真地觉得同x千拉面无两样反而黑武藏既豚肉片切得薄身易入口，可能薄既关系味道都入味啲，汤底黎讲系绝对好过白武藏，起码叫做食得出系黑蒜。值得赞赏系溏心蛋恰到好处，蛋白唔会软身到未熟咁，蛋黄半流质晶莹剔透，如果系一整粒就更加好喇。赤豚骨拉面汤底够辣，食上黎几开胃，不过食得出系本身的猪骨汤底on top加辣，味道还好啦。紫菜黎到时已经软咗，有啲失望