屋子生活 (已結業)

琴日同朋友打完波谂住食间好野，贵小小都唔紧要，星期日点知8点几去到已经无咩人，但系一年前食过回忆系几好，甜品同食物都唔错，所以谂应该无事ga,一入到去，职员已经黑口黑面，叫我地求其揾位坐，我心谂带位都唔想人，系唔系阻住人地收工，但系一睇原来间野收10点，仲有两个钟，一坐到黎就话自己用电话扫叫野，叫左野唔够3分钟，个咖哩猪扒饭就已经送到，一见到个样已经唔开胃，仲衰过波仔d咖哩饭，之后仲嬲，一食到落去，个咖哩又杰坦坦，又冻，个猪扒又鞋，个吉列皮鞋到好似叮完再蒸咁，真系无夸张，咁食到口渴，一杯水都无，我成世人未试过去餐厅连一杯水都无，食紧果时d职员已经清洁紧，职员仲不断整d嘈音出黎叫我地快d走咁，我地走果时仲有成个几钟先收铺，d职员有冇咁有效率，我只系觉得有一样野，就系如果做职员，一定可以准时收工，同无咩野做，可惜我系食客发誓以后唔会再去依间餐厅食，完。