榮記茶餐室

营业中

休息中

同样都系苹果肥佬黎嘅节目度见到佢嘅推介，我都好钟意食沙嗲牛肉面，仲要煲仔咁特别走于是去试吓啦。佢嘅味道比佢嘅人气逊色得多🙈🤣其实都唔系唔好食，当佢系普通茶餐厅货仔，咁就会接受得到啦。可能佢人气高企，变相有期望就有少少失落啰。🙈🙈沙嗲味唔系好出，牛肉明显落咗好多梳打粉，怪怪的。公仔面一开始劲硬，食食吓又淋过龙。我觉得本身公仔面要拿捏𠮶个火候都真系唔容易，因为个煲系keep住令佢传热，佢上菜嘅时候就唯有成个面好似冇煮过咁上，但好快焗到淋哂。成件事真系好不容易。成个煲仔沙嗲牛肉面仲要$68。佢个芝士捞丁就真系好普通嘅芝士捞丁，个样少少颓，男朋友话好食过个沙嗲牛肉面🤣🤣。不过我都会留条尾巴，有机会过嚟试吓佢啲煲仔饭，听朋友讲煲仔饭就出色好多啦🥰🥰🥰🥰假期劲多人，如果要食，记得预时间排队。