爆丼屋 (已搬遷) 新店位置

爆丼屋一开嘅时候已经好想试，但见要等几个钟就打消咗念头。今日经过见唔算多人，拎咗飞再周围行下，约一个钟头就有位。三文鱼火山盛丼($128)刺身同饭嘅份量超多，同店名一样真系爆丼，一个女仔正常食量系绝对食唔哂。三文鱼几厚身，中间座拖罗蓉火山，以赤身、甜虾、剑鱼腩、帆立贝、纹甲鱿鱼及三文鱼籽捞成，十分足料，但拖罗蓉味道较淡，相比之下，白饭捞三文鱼同三文鱼籽味道更鲜。仲有两块紫菜比你捞黎食。三色海胆盛丼($238）都几失望，除咗量多之外，味道好一般。三种海胆包括北海道马粪海胆、加拿大海胆同韩国紫海胆。其中一种海胆比较鲜味，其余两种基本上只系感觉到食紧一团滑潺潺嘅野，实在名过于实。总结黎讲，排一个钟还可以，但以呢个质素等两三个钟实在唔太值得，除非你无咩特别野做。