名館 (已結業)

好耐无见一个走左一段时间既旧同事，原来佢都系中上环返工，于是约埋几个岩倾既同事一齐放工去"Happy Gathering"，有人提议话试下呢间，因为D点心好似都几得意。打开个menu，其实都唔平......中环价钱啦，不过果日公司有人请食tea，个个都觉得好饱，所以今餐都唔驶食甘多，队长坐低见到烧乳鸽就双眼发光，因为得我一个食，所以都系叫左一只食，上台个卖相就好靓，食落就觉得麻麻，炸得唔够干身，个皮唔够脆；烧鹅都系失望的，同样地烧得唔够脆，同埋上碟已经唔够热，义烧都还可以，好过个烧鹅，起码热D，不过始终呢D野应该去番传统中菜馆食。去新派中菜馆食，应该试下D新潮野，晚市都仲有点心食，于是我地点左几个特别D既点心食：老鼠爱大米、银湖天鹅酥、大良鲜奶脆网卷，鲜奶卷系最好味的，相对一般大娘炸鲜奶，佢无甘油腻/甘甜；至于天鹅酥就卖相最靓，不过呢个就反而干得滞，老鼠爱大米就无乜味道。唔系太够饱，所以叫多左个虾球蟹子银丝煲、浓汤蕃茄杂菜煲，杂菜煲就唔多讲，因为真系无特别；粉丝煲都OK既，粉丝够干身，虾就淡荗荗，粉丝搭够。你问我系咪好难食，未至于，但每个菜既价钱都唔平，都知新派中菜唔好谂住食到有镬气既