Sushi To by Harlan Goldstein (已結業)

喺旺角返工o既Auntie R，不时都会过海请小肥食晏，每次仲会费尽心思拣选湾仔及铜锣湾区内之新潮点，俾机会XO仔写多几编食评 。旧年年尾，佢就带咗细佬去名厨Harlan Goldstein先生新开不到半年o既日本料理「Sushi To by Harlan Goldstein」午聚。据悉，店名中之「Sushi To」乃取自Harlan大师多年来o既拍当杜先生之洋姓「To」，二人友好o既伙伴关系当真一目了然。讲起Harlan先生，好自然地会谂起食牛扒，真系估唔到西厨都会煮理埋和食！打开餐牌一睇，原来佢个厨师班底有位名叫Maeda Norihisa先生o既日藉师傅助阵，理念为日西合璧。「Sushi To」位于铜锣湾新兴建成o既食府中心「Midtown」，街头就有小巴站，离巴士站、电车站及地鐡站均不远，地点方便得很。大厦鲜红色o既正门非常当眼，升降机内o既指示牌亦好清晰，一啲都唔难揾。餐厅位于29楼，楼底高得好有气派，间隔宽敞舒适，地方企理卫生，坐窗边梳化式卡位o既食客更可欣赏港岛美景，傍晚入夜最适合情侣谈心 。当日一点钟其实餐厅未满座，但茶水却要等完又等，落单又要再等高级职员得闲先