蔡瀾越南粉 (已結業)

本身应该系happy Friday ，可惜要系中环OT 到8:30，公司附近餐厅都闩哂，唯有行远啲揾食，近近地黎呢间试新野。餐厅系威灵顿街翠华旁边，加埋招牌上大大的两只字「蔡澜」，劲易揾到。餐厅门面光亮，坐位算宽敞，唔觉有特别装潢设计，可能餐厅想行实力派？最紧要食物质素掂。餐单上有几个价位嘅牛河拣，话哂第一次，就试个入门版。佢有几种牛部位，任拣两样，河粉仲可免费追加，岩哂大食量嘅男士。唔食内脏嘅我，拣左牛腩+生牛肉。汤底望落通透，油份极少，味道非常清甜，河粉/牛肉/牛腩，坦白说，零特别。绝对唔系宣传讲到咁好食。通菜好重虾酱，亦因此稍咸，但冇辣味（因菜单上面写住系辣）。青柠酸子菠萝冰反而有惊喜，本身好怕系药水味饮品，但呢杯有真菠萝肉，极有气，好饮！可惜以$36黎讲，份量系较少。总括来说，质素系名过于实，唔系有蔡澜加持，睇怕佢好难做落去了。