Sodam Chicken (已結業)

同大少过开海睇医生，睇完谂住揾啲好嘢食下咁啦！男人早几日已经话好想食炸鸡，咁当然就睇下附近有咩炸鸡好食啦～睇下IG，发现呢间 Sodam Chicken好似由韩国开过嚟香港，见到佢有个好多芝士嘅炸鸡好似几正，就过去试下佢先！行到热辣辣，一坐底梗系谂下饮咩先啦，发现佢哋有个Promotion，惠顾烤鸡同炸鸡都会送两杯＄38嘅饮品，其他贵啲就报返差额就得喇！我就拣咗＄38嘅柚子梳打，大少就拣咗相入面嘅$58嘅苹果特饮；我杯柚子梳打不过不失，但杯苹果特饮就有少少药水味，只系一杯用苹果syrup加水嘅饮品喇～最近，刘时镇大尉令一众韩迷疯狂，呢间Sodam Chicken就出咗个太阳芝士炸鸡，七星伴月咁用七件炸鸡围住一个满满芝士同酱汁嘅农夫包。我哋都好常食炸鸡，但呢度就比较细portion，因为好多间炸鸡店都会serve一整只鸡或十件以上。坦白讲，呢个炸鸡味道一般，芝士酱汁不够浓稠，我真系非常失望，可能想像得太好味啦～我估我哋应该唔会再返转头喇，但一试佢gimmick都系妨吖～