影片
更多
2015-05-04
3489 浏览
今次真系老猫烧须啦！大少话想试下大围一间老店【枫林小馆】，话佢开左几廿年，仲有米芝莲评级添，好啦...咁就陪佢试下啰。去到门口真系几鬼老店feel，古色古香咁款添，我地3人被安排坐入偏厅，都好...冇咁嘈。一坐低店员快速摆位，冲茶，问佢有咩好介绍，佢眼尾都唔望下我地好似背书咁，「椒盐虾」，「乳鸽」咪招牌啰，出名多人食架。好，我就信你，叫左碟椒盐虾，OMG...真系好大碟到呢，D虾点解咁细只既，仲要好浅色，目测就知道佢唔会好食，一摆入口...大镬，虾肉唔鲜，毫不鲜甜，口感林patpat，食一只都好俾面，呢d唔会系海虾，应该系唔新鲜既养虾啰，点解会好出名多人食???另外叫左3只乳鸽，似返d样啦，皮脆肉嫩，仲好juicy同入味添，不过绝对唔会系神级好食到我会专登返黎食啰。仲有花胶瑶柱羹，揾笨到呢...完全揾唔到花胶既踪影，瑶柱就揾到啰，除左唔开心揾唔到花胶之外，个羹既味道都ok既，但最好改返瑶柱羹就算啦。食到呢到已经唔敢再order，大少话要寻找小时候既味道，叫左虾子柚皮，老老实实，我真系估到唔会好食，真系俾我up中，难食到呢...完全冇虾子味，冇咸香，个柚皮苦到呢。呢一餐真系食到妈妈声，4
去到门口真系几鬼老店feel，古色古香咁款添，我地3人被安排坐入偏厅，都好...冇咁嘈。一坐低店员快速摆位，冲茶，问佢有咩好介绍，佢眼尾都唔望下我地好似背书咁，「椒盐虾」，「乳鸽」咪招牌啰，出名多人食架。
好，我就信你，叫左碟椒盐虾，OMG...真系好大碟到呢，D虾点解咁细只既，仲要好浅色，目测就知道佢唔会好食，一摆入口...大镬，虾肉唔鲜，毫不鲜甜，口感林patpat，食一只都好俾面，呢d唔会系海虾，应该系唔新鲜既养虾啰，点解会好出名多人食???
另外叫左3只乳鸽，似返d样啦，皮脆肉嫩，仲好juicy同入味添，不过绝对唔会系神级好食到我会专登返黎食啰。
仲有花胶瑶柱羹，揾笨到呢...完全揾唔到花胶既踪影，瑶柱就揾到啰，除左唔开心揾唔到花胶之外，个羹既味道都ok既，但最好改返瑶柱羹就算啦。
食到呢到已经唔敢再order，大少话要寻找小时候既味道，叫左虾子柚皮，老老实实，我真系估到唔会好食，真系俾我up中，难食到呢...完全冇虾子味，冇咸香，个柚皮苦到呢。呢一餐真系食到妈妈声，4样𩠌埋单900几蚊，咁既价钱咁既质素，真正唔抵食，唔会有下次啰 (怒)
张贴
