全記海鮮菜館

营业中

休息中

米芝连海鲜餐厅，名过于实。香港地就系咁，有米芝连就会愈来愈难食，水准下降，价钱上涨。呢几年嚟过3-4次，一次比一次贵，而且服务愈来愈差，好失望。有朋自远方来，星期五晚上带同朋友入西贡食海鲜，嚟到海鲜街第一间就脚就入左去。点知happy Friday都好多吉台，似乎而家只有大陆人会嚟食。啲店员讲野都有乡音，我地坐最角落头张台，一路食饭，佢地一路响角落头度拎酒瓶、櫈仔、呢样果样，仲要响你头上绕过，好烦...你估下服务会好得去边？食物方面，我同朋友响门面鱼缸拣海鲜，个职员根本唔会俾你掂，你问佢佢先随口up价钱，唔会磅俾你睇几重，你指俾佢知想要咩，佢求祈拎一只入袋，连佢有冇拎入厨房你都唔会知。我地要左4只扇贝（$38一只）、象拔蚌一只（$388一斤）、龙虾一只（$288一斤）、圣子（问几次冇讲几钱）同埋濑尿虾3只（佢话一只一斤，一斤$288）。5样野，饮左3枝汽水，4个人食，结果埋单$3000。海鲜一个数写$2000、工料$1000。可能我计数差，我觉得我地俾人呃。香港人都呃，何况游客？我谂我今次系最后一次，唔会再嚟。