生記茶餐廳 (已結業)

男友放工见到话想食，第一次去，去到时6点几，一去到冇人招呼但见到9成坐满，觉得好奇怪，等左一阵见到老板娘先知原来楼面得老板娘一个人忙，唔洗排队但要搭枱。叫左蟹粥，再喺老板娘推荐下叫左蚝仔蒸粉包。蚝仔蒸粉包($58)味道唔错，蚝仔大粒饱满又新鲜，粉皮够薄够滑，但就系太薄一夹就散晒啲蚝仔出黎，分开食。 蟹粥($128)啲羔有啲生，但蟹肉够鲜甜够嫩滑，一上枱成窝仲要滚住上，够晒热，但食食下食到成旧未融晒既味精就完全明白晒点解啲蟹咁鲜甜，同埋点解啲羔仲依附喺蟹上面但啲粥会系金黄色，而且粥底都唔够软绵，可能叫饭会仲好。