影片
更多
2019-02-26
1595 浏览
今日难得一家人喺观塘做完正经事，所以我提议去阿鸿小吃食个早饭。我哋一行七位18:15去到，仲未有其他客到，可以慢慢睇食咩。食潮州野梗系要拣我最爱嘅煎蚝饼、蚝仔粥、卤水鹅掌翼+墨鱼片啦！先黎蚝仔粥，蚝仔唔算大粒，个汤味道较淡，无鲜味，要落好多胡椒粉先可以吊番出味道。卤水鹅掌翼都好失望，虽然鹅掌翼都炆得算稔，但卤水味欠奉，味道好淡，墨鱼片过得去啦！新鲜炸起嘅金丝煎蚝饼，蚝仔大过蚝仔粥嘅好多，仲要粒粒饱满，蛋同粉嘅比例好好，唔经唔觉就食晒！以多层腐皮做嘅素鹅，味道唔错，算系惊喜之作。阿鸿炒饭入面有干瑶柱、虾米仔、菜粒等，所有材料炒得好干身，粒粒分明，好香口。应该系以猪油捞嘅蔡澜捞面，比普通嘅炒面香，除此之外就无乜分别🤷♀️
食潮州野梗系要拣我最爱嘅煎蚝饼、蚝仔粥、卤水鹅掌翼+墨鱼片啦！先黎蚝仔粥，蚝仔唔算大粒，个汤味道较淡，无鲜味，要落好多胡椒粉先可以吊番出味道。
卤水鹅掌翼都好失望，虽然鹅掌翼都炆得算稔，但卤水味欠奉，味道好淡，墨鱼片过得去啦！
新鲜炸起嘅金丝煎蚝饼，蚝仔大过蚝仔粥嘅好多，仲要粒粒饱满，蛋同粉嘅比例好好，唔经唔觉就食晒！
以多层腐皮做嘅素鹅，味道唔错，算系惊喜之作。
阿鸿炒饭入面有干瑶柱、虾米仔、菜粒等，所有材料炒得好干身，粒粒分明，好香口。
应该系以猪油捞嘅蔡澜捞面，比普通嘅炒面香，除此之外就无乜分别🤷♀️
张贴
