名館 (已結業)

其实希慎顶层有好多中餐食，而且有唔少质素都系高既，今次就带屋企人黎食呢间长期都要排队既名馆。芥末咸水角 咸水角馅料丰富，加左芥末又出乎意料地夹，平时觉得食咸水角好腻，但个芥末刺激完个口腔好似中和左d油腻感咁。厚切叉烧皇叉烧成寸厚，名副其实既厚切。叉烧烧得好香，最钟意佢外层d焦，内里肉质香浓，入口松软。鸡翼酿糯米鸡翼炸到外层香脆，内里肉质嫩滑。市面上其实都好多无骨鸡翼，不过呢个加左炸糯米，加多左层口感。黑金蒜扣猪手好欣赏佢上菜既时候系连埋个火，一路食仲一路暖住个猪手，因为猪手冻左真系唔好食。猪手焖到好淋，d醋同蒜头味道完全入晒猪手度。鱼米之乡 将原条鱼拆骨起肉再拎去炒饭，d饭见到系粒粒分明。旁边仲有d炸鱼块，炸得金黄香脆，肉质又唔会话好散。七彩不切糕 原来不切糕系传统既中国小食黎，但一直都无食过。望落觉得几得意，食落味道清甜，当饭后甜品系几好。总括而言，食物质素系高级既，美中不足既系上菜既次序可以改善下。