初遇

营业中

休息中

粉岭火车站连接嘅商场开咗间台湾嘢，装修几靓，比起同商场啲店舖特别吸引，下午茶餐算抵食。卤肉饭饭粒软糯分明，卤肉碎瘦肉占多比较健康，香肠有油香，唔错。另一份鸡扒蛋吐司惊艳到我，系而家台式早餐店好兴嘅牛油纸包装，食落唔会整污糟手，鸡扒嫩滑，蛋系流心嘅，加埋烘底多士同沙律酱好好食～另外叫咗虾多士同埋芋泥蛋饼做小食，虾多士份量轻盈啲，芋泥算几绵，加埋台式酱油膏又出奇地夹。饮品跟餐可拣黑糖姜母茶，唔算甜；加$12转芋泥鲜奶，冇蛋饼啲芋泥咁幼滑但以呢个价钱嚟讲好抵饮。