太平館餐廳

营业中

休息中

一间经营咗一百五十年既餐厅，经历无数风雨，香港绝无仅有，今次系第一次去，真系要㗳真啲。七点后唔可以订位，唯有walk-in，真好彩，去到即有位。装修比较怀旧，全场充满橙黄色既气氛，时光倒流一样，集体回忆就系呢种。食物其实都好味，瑞士鸡翼、瑞士牛河、芝士焗西兰花等等，水准未算一流，但系你食完都会好满足。主要想讲既系佢个梳芙厘，人头咁大个，好搅笑，都几好食，一班朋友聚旧的话，太平馆的确系好选择。p.s. 个waiter话个梳芙厘要等32分钟即叫即整，我立即计时，结果系42分钟先有得食，之后我仲见到几个waiter围埋研究点解要42分钟先出炉，呢种赛后检讨既态势，真系值得新一代或新食肆学习。