Are U Labeler

营业中

休息中

对我嚟讲，我对何文田既印象只有「流泪行胜利道」，今日经过胜利道，我先发现原来何文田有好多宠物店或兽医诊所，不过最吸引我始终都系食物，行去隔离街发现一间叫Are you labeler既咖啡店。霓虹灯Logo非常型格，墙身蓝色油画恍如星空🌌。- 焗芝士杂锦海鲜螺丝粉通常西餐见到杂锦海鲜呢四只字，我都会联想起蟹柳、急冻虾，但Are You labeler系真材实料，入面有新鲜青口、带子同弹牙大虾。另外用左两种芝士，芝士味非常香浓而唔腻，螺丝粉偏硬，有口感。- 菠菜三文鱼意大利饭饭身偏向软身，酱汁加左芝士更加creamy，菠菜令颜色十分夺目，每一啖都食到三文鱼粒，不过调味略咸。- 玫瑰荔枝梳打🌹粉红既颜色加上猫仔造型匙羹，绝对令女仔怦然心动。味道微甜，加左玫瑰更refreshing。- Blue Curacao Lime Soda🔵颜色同样迷人，饮落好似饮紧mocktail。我发现餐厅职员大多系年青人，大约20岁出头，而餐厅嘅名字Are You labeler指现时社会标签化嘅问题，特别系年青人，希望大家唔好标签人，或唔好因为被标签而失去信心。咁好食又有意义既餐厅，大家一定要大大力咁支持。