The French Window (已結業)

Item: The French Window
Rating: 4
Author: 菲比熊

3.5

200 食记

味道

环境

服务

卫生

抵食

14852

中环

$401-800

西式酒酒吧

112

菲比熊

等级4

1.1K

6月2日, 过埋今日, 我地嘅2人世界就会多咗一个人仔, 呢一餐我地当然要好好享受. 之所以拣French Window, 大多数都系俾佢个view吸引住, 望住个海景叹个late lunch, 由日光食到日落~

::: French Lunch ::: $498 x 2
呢个lunch set嘅appetizer同dessert都系以buffet形式, 配上主菜同餐饮, 好丰富㖞~

::: Amuse Bouche :::
法国菜中常会出现于appetizer之前的Amuse Bouche呢度都有, 仲有两款, 都系以中式汤匙盛载, 分别有一个三文鱼茸同埋带子. 鱼茸简简单单但味道清香, 带子则估唔到地有鲜味, 个汁亦几得意!

::: Appetizer :::
Appetizer有好多种, 沙律菜新鲜爽脆, 烟三文鱼冻肉火腿款式亦不少. 面包虽然唔系热辣出炉𠮶只但都算合格, 仲有cheese加水饼比你可以叹下酒过下口瘾添. 不过同场最惊喜系竟然有新鲜生蚝同龙虾冻蟹等冷盘, 有d意外~! 生蚝种类都有3款, 包括South Bay, White Pearl同Coffin Bay, 虽然都系普遍食到嘅, 但系呢3款都已经十分不错, 入口鲜甜味又唔腥~ 龙虾系冻食, 肉质有少少实质地比较湿, 似系未解够冻, 鲜味一般. 其他冻食如冻蟹、青口、蚬咁都系普通货色.

::: Mouclade :::
即系Creamed steamed mussels with curry scent, lard and croutons, 蒸煮蓝贝配上烟肉同面包粒, 最特别系佢个汁用上咖哩汁, 好fusion~ 先睇下个蓝贝, size比较大只似青口, 所以入口质感就冇细细只咁爽口, 好在本身味道鲜, 加埋个咖哩汁都几惹味~ 要讲下个咖哩汁, 唔算系重口味好辣𠮶只, 淡淡嘅咖哩香唔会抢咗蓝贝味, creamy得嚟索汁度又够~ 配烟肉同面包粒亦系一个好好嘅配撘~

::: Spaghetti with crab meat folded in a mariniere cream sauce :::
因为我地对鱼同猪都不感兴趣, 所以另一个main 就叫咗蟹肉意粉~ 呢个意粉比较普通, 淋淋地唔够al dante. 酱汁系由酒加洋葱整成, 但味道唔算突出, 衬托唔起个意粉. 另蟹肉都唔系话好鲜, 配酱汁亦带唔出个味道.

::: cheese and dessert :::
甜品都系喺出面嘅buffet枱度攞, 款式都唔少, 啱晒呀菲可以攞晒番嚟每样浅尝~ homemade雪糕有大路味道如云尼拿、咖啡咁, 味道相当浓郁~ 好正! 其他如brownie、chocolate mousse、cream tart等等都只系一般, 个creme brulee叫做好d~ 特别嘅系芝士, 系一大旧芝士烘住咁, 可以自己切落嚟, 半熔半㶶芝士加上配料例如薯仔、提子、酸瓜, 半熔芝士入口好香浓, 好thick, 加上少少㶶仲添惹味, 个人觉得配酸瓜好好食, 个酸味好夹芝士味, 配薯仔就略为腻咗d.

::: drink :::
饮品要了一杯冻柠茶同冻latte, 其实唔算特别好饮, 但可以喺如此写意环境下饮乜都加添一份舒畅感, 望住个日落景简直一流~

食完个late lunch欣赏埋个日落都已经7点, 我地由人地lunch time食到dinner time, 从繁忙工作中利用假期悠闲一下, 亦都好好预备我地增加家庭成员嘅热闹, 下一篇食评不再是2人努力, 而是2+1 lu~