香港地 (已結業)

今日lunch去山頂間香港地食。 叫咗個煎蛋什扒飯， 冇諗過一間集團式經營嘅食肆會咁樣上碟飯俾客人。 啲飯喺碟邊四散， 就好似食剩嘅一碟飯。 叫侍應過黎睇， 佢覺得冇野。。。。。唯有要求除消。 雖然知道唔係真係食剩， 但佢地啲員工冇訓練過啲食物賣相都好大影響嗎? 我去大排檔食野都未見過咁樣。 加上有次去大家樂叫咗個咖哩牛腩飯， 個經理見到碟白飯畢得唔靚唔夠整齊都即刻鬧入面厨房係咪未食飯冇力畢飯， 叫佢地即刻換過碟。 所以我相信集團式食肆應該有一定嘅培訓。我仲要喺山頂呢啲遊客地方食， 簡直影響香港形象。