影片
更多
2018-08-13
1031 浏览
听同事介绍过北角呢间茶记，早两日终于有机会拜访一下。当日系星期六，同友人到达餐厅时系一时半左右，门口大约有七至八人喺我哋前面排紧队。排队排咗几分钟已被安排入座。我嗌咗型男餐，即炒蛋火腿多士配猪膶汤面，朋友嗌咗商务餐，即免治牛肉意粉配炸鸡肶。可能餐厅制作认真，两个餐大约都要等10分钟先送到。朋友对个鸡肶餐有赞赏。而个猪膶汤面餐我就有以下评语：猪膶面个卖相同深水埗X记出品相似，系用猪膶水做汤底，汤面浮住啲粒粒猪膶精华。面嘅软硬度恰到好处，但个汤就唔觉得咁有猪膶味。猪膶制法唔系爽𠮶只，系实嘅。因猪膶唔算系黄沙膶，加上厚切咗，质感比较硬，最后我都系冇食晒啲猪润。炒蛋同多士算系唔错。同朋友一路倾偈一路食，可能比一般食客用多咗时间。当我哋食完放低刀叉，执碗碟阿姐清走我哋枱面上嘅餐具后，隔咗冇耐，有个唔知系伙计定系老板，突然间一嘢拍个「留座」牌喺我哋面前，唔多客气咁话我哋食完，嗌我哋出去畀钱跟住佢仲口噏噏喺我哋侧边讲「望咗你哋好耐」「食完就走啦」「出面排晒队」其实食肆要求用完餐嘅食客交番个位出嚟畀其他等位嘅食客，呢个安排都好平常，但系个伙计当时嘅态度真系好有问题。虽然食完个猪膶面餐我都唔觉得个餐有乜
当日系星期六，同友人到达餐厅时系一时半左右，门口大约有七至八人喺我哋前面排紧队。排队排咗几分钟已被安排入座。
我嗌咗型男餐，即炒蛋火腿多士配猪膶汤面，朋友嗌咗商务餐，即免治牛肉意粉配炸鸡肶。
可能餐厅制作认真，两个餐大约都要等10分钟先送到。
朋友对个鸡肶餐有赞赏。而个猪膶汤面餐我就有以下评语：猪膶面个卖相同深水埗X记出品相似，系用猪膶水做汤底，汤面浮住啲粒粒猪膶精华。面嘅软硬度恰到好处，但个汤就唔觉得咁有猪膶味。猪膶制法唔系爽𠮶只，系实嘅。因猪膶唔算系黄沙膶，加上厚切咗，质感比较硬，最后我都系冇食晒啲猪润。炒蛋同多士算系唔错。
同朋友一路倾偈一路食，可能比一般食客用多咗时间。当我哋食完放低刀叉，执碗碟阿姐清走我哋枱面上嘅餐具后，隔咗冇耐，有个唔知系伙计定系老板，突然间一嘢拍个「留座」牌喺我哋面前，唔多客气咁话我哋食完，嗌我哋出去畀钱跟住佢仲口噏噏喺我哋侧边讲「望咗你哋好耐」「食完就走啦」「出面排晒队」
其实食肆要求用完餐嘅食客交番个位出嚟畀其他等位嘅食客，呢个安排都好平常，但系个伙计当时嘅态度真系好有问题。
虽然食完个猪膶面餐我都唔觉得个餐有乜咁特别，但间食肆有咁多食客捧场当然有佢吸引之处。就算多人支持亦唔等于可以咁样去赶客。而且间食肆只系开咗几年，唔应该有旧食店老伙计嘅作风。好希望间餐厅能够明白乜嘢系待客之道同今时今日应有嘅服务态度。
虽然都唔知以后会唔会再帮衬，但一个咁差嘅印象，好肯定短期内唔会再行入呢间食肆
张贴