鮨玥 (已結業)

去唔到日本，唯有揾间有质素既日本餐厅弥补下。一打开餐牌，真系咩都想叫黎试。低糖玉子烧本身对玉子烧一般，因为觉得太甜。见到呢度有低糖，又试试佢。蛋味唔算太浓，净系食到轻轻甜味，口感丰厚好实在。36蚊，可以一试。唐扬日本池鱼苗 呢款小食好多时都会叫，一大碟，倾计做小食，一流。 其他餐厅既唐扬池鱼仔，好多时都带苦味，主因鱼苗细仔，厨师唔会续条㓥肚，好多时都原条炸，连内脏食，好难唔苦。不过呢鮨玥竟然有做续条㓥肚呢1步，入口完全唔觉油腻，轻微脆身，成碟清哂都完全无苦味，小食推介👍牛油果软壳蟹卷 普通既卷物，不过不失，牛油果，青瓜丝令卷物食落好清新，软壳蟹唔觉一口油，带轻微脆脆口感，可惜紫菜韧左D。生姜烧黑豚丼黑豚咸左DDD，一定要连饭一齐食，有肉香，饭量好足，男士都一定够饱，钟意食日本米既人，会好满足。葱本鲔鱼腩海胆丼好足料，唔腥，加拿大海胆既量一D都唔孤寒。入口时仲保持到偏冻温度，证明佢地冻柜保鲜做得好好。呢一点对刺身好重要。👍食完个饭，唔够喉。再叫多份100g既海胆刺身。 100g绝对有多无少。好鲜甜大满足。本鲔寿司盛 日本寿司又点少得拖罗 叫呢个本鲔寿司盛，就岩哂，试哂几个唔同部位晚吞拿鱼