山崎麵飽

营业中

休息中

送完小朋友返学经过Yamazaki面包店，为左买第二朝自己同小朋友嘅早餐于是入左去买面包，有几款新鲜面包$9.5一个，买2个会平少少，买3个又会再平少少；今次买左2款，一个吞拿鱼包，另一款叫朱古力脆脆包。先请吞拿鱼包:yamazaki嘅吞拿鱼同其他面包店嘅吞拿鱼包有分别，其他面包店系吞拿鱼做馅，外形似一个太空馆，但咬落多数会发现系“空气包”但yamazaki嘅吞拿鱼包以pizza方式登场，有几多吞拿鱼馅都一目了然，吞拿鱼加份量唔少嘅洋葱粒同少量粟米粒，令人每咬一啖都有吞拿鱼香味又有洋葱爽脆，洋葱粒虽然唔少，但一啲都冇抢走吞拿鱼的味道朱古力脆脆包:可能已经放左一晚再加上一直系用袋包住，今朝食时表面上的脆脆已经淋晒，令个包失色不少，当然，呢个系我个问题；切开个包见入面系朱古力酱，有啲惊喜，朱古力酱类似金沙𠮶只，几好食，但个包太厚，唔系好推介