豐鮪

营业中

休息中

呢个唔系真咸蛋肉饼饭嚟㗎，系酱油渍蛋黄拖罗蓉丼饭。为处于渣甸坊入边呢间小店，本身系做开吞拿鱼批发，攞货梗系新鲜同埋正啦。而家佢主打拖罗蓉饭、同埋佢嘅稀有部位刺身，仲有刺身烧卖添。兔仔洗晒用手机落单同埋俾钱，佢哋当饭已经爆咗沙律餐汤同埋一个蟹膏茶碗蒸，计落都唔算好贵。个饭个蛋黄捞埋拖罗用一齐食嘅时候就真系冇得顶，够晒味，唔使再加豉油。蟹膏茶碗蒸都好浓味，钟意食拖罗嘅朋友就唔好错过啦。佢哋仲有好多创作烧卖，其实都系一个寿司嚟嘅，用大豆整成嘅烧卖皮包住寿司饭同埋刺身料。最值得试嘅当然就系柚子拖罗蓉烧卖，柚子香同埋鱼油香加埋饭的确好食。另外重视咗佢哋嘅蟹三味烧卖包括系蟹膏、蟹肉同飞鱼子一样咁出色。