Cafe Nirvana

营业中

休息中

呢度系一间酒吧+餐厅，收工时间会见到好多外藉西装友饮啤酒。lunch时间都多人架，店面人手唔多家庭式经营，店面的装修睇落都有一定嘅日子。之前店主会泊车在门口，车上有两只很大的狗狗。lunch set都有成十款，加埋泰式野有好多选择。呢个吞拿鱼长通粉好浓味，唔似平时𠮶d白汁长通粉咁款，浓味得黎又唔系味精，而且系热腾腾。唔好睇碟长通粉份量好细，食落都好饱架，而且比较重口味，都会几漏。个餐跟红或白汤，白汤系磨菇汤，出似意料系好饮嘅，虽然冇磨菇粒，但唔系罐头汤味。冻奶茶就失色左d，成件事好似水、冰、奶、茶分开晒咁。不过呢度又始终唔系茶记。