坂奈 (已結業)

连监狱都玩转o既迷你兵团正式袭港一天，原本谂住同甜心儿去睇好戏，无奈佳人因工作繁忙未能相伴，XO仔唯有去戏院前独自揾食。细佬有意简单食个拉面速战速决，但当见到条长长o既人龙时，就即转移目标去咗隔离几间小店。喺「坂奈」门前o既餐牌发现餐店有「吞拿鱼额顶柳」食㖞，因为之前喺「矶野XX」食过觉得超好味，所以唔洗多谂就入咗去揾位。小店只有对住开放式厨房o既一排吧位，六点几已差不多满座。小肥对正个大型烧炉，可清楚望到烧紧o既鱼只条条都开大个口，凶猛得好似想咬人咁。天口咁㷫，埋位当然系要先啤一啤佢啦！餐牌虽有三页之多，但细佬一早已立心要食「吞拿鱼额顶柳」。点好主菜，友善o既姐姐仔仲温馨提示到如果加$30就可以配埋有齐刺身渍、煮物、白饭及面豉汤o既「御膳」。御膳（另加$30）：御膳中o既面豉汤内含两只蚬，饮落更为鲜甜。煮物为牛肉薯菜，不过细佬食咗件红萝卜已觉得辣得滞，所以冇食哂。刺身渍仲有三文鱼籽伴两件带子，加$30有咁多野食都几抵。吞拿鱼额顶柳（$288）：吞拿鱼额顶柳由师傅以火枪慢慢烧煮。菜式上枱时仍发出吱吱声，够哂新鲜热辣辣，姐姐仔更不忘提及到吞拿鱼额要尽快衬热食，细心非常。吞拿鱼额顶柳烧熟咗