影片
更多
2011-07-22
19 浏览
其实早系两年多前呢间Misocool系鲗鱼涌开店，畀我知道佢地有款面系用蒟蒻制造名为啜啜面已经想食喇，而且更有番茄汤底添，令我更加想食啦！但我本身又好少出街食饭嘅，就更加冇乜机会食到咯...之后我知中环都有分店，不过都系要过海呢，直到Ｋ１１开幕后，有日系尖咀地铁站行经Ｋ１１畀我见到有间食店咁熟口面嘅？咪走埋去睇两眼啰....噫~~原来系啜啜面店㖞，咁正系呢到开分店，咁我咪可以试吓啰！！呢晚我同好朋友点了一个主菜，另加$20可以4款任选2款前菜及饮品：﹣我：什菌有机野菜拉面 ($54) 转啜啜面(+$12) + 套餐($20) 野菜沙律、芝麻酱豆腐配即磨咖啡 = $86友：脆炸芝士鱼柳日式咖哩饭 ($57) + 套餐($20) 面豉汤、芝麻酱豆腐配青苹果雪冰(+$15) = $92另加＜一口元贝 ($33)＞合共：$232点完野食，侍应话要等大约 20mins，见佢好认真话要等20分钟，所以我都好认真计时㖞，最后都唔使咁耐嘅，系最后上枱的＜脆炸芝士鱼柳日式咖哩饭＞就真系要２０分钟㖞，真系即点即制？但见碟饭我又唔见有烟出，不过问过友人食落口又话系热㖞，仲话好食添。呢次食完后都觉得呢间M
但我本身又好少出街食饭嘅，就更加冇乜机会食到咯...之后我知中环都有分店，不过都系要过海呢，直到Ｋ１１开幕后，有日系尖咀地铁站行经Ｋ１１畀我见到有间食店咁熟口面嘅？咪走埋去睇两眼啰....噫~~原来系啜啜面店㖞，咁正系呢到开分店，咁我咪可以试吓啰！！
呢晚我同好朋友点了一个主菜，另加$20可以4款任选2款前菜及饮品：﹣
我：什菌有机野菜拉面 [番茄汤] ($54) 转啜啜面(+$12) + 套餐($20) 野菜沙律、芝麻酱豆腐配即磨咖啡 = $86
友：脆炸芝士鱼柳日式咖哩饭 ($57) + 套餐($20) 面豉汤、芝麻酱豆腐配青苹果雪冰(+$15) = $92
另加＜一口元贝 ($33)＞合共：$232
点完野食，侍应话要等大约 20mins，见佢好认真话要等20分钟，所以我都好认真计时㖞，最后都唔使咁耐嘅，系最后上枱的＜脆炸芝士鱼柳日式咖哩饭＞就真系要２０分钟㖞，真系即点即制？但见碟饭我又唔见有烟出，不过问过友人食落口又话系热㖞，仲话好食添。
呢次食完后都觉得呢间Misocool完全可以翻兜呀！！
最先来到的＜面豉汤＞唔系好浓郁，几清淡，碗中冇乜料，不过都算几味。
之后已经系到我的＜什菌有机野菜啜啜面 [番茄汤]＞，先来饮啖汤，番茄汤味浓，睇落又唔似有咁浓味㖞，估佢唔到呀吓！黑色碗真系好有型，虽然睇落碗大面𩠌少，但食落去就唔系喇，我足足慢慢食都要食廿分钟，好似食极都未完咁，因为啜啜面有咬口又劲索汤汁，所以都几虽时食架，赶时间就唔好叫佢喇。
而什菌同野菜应该都炒过吓，好味料又多，啜啜面又烟烟韧韧吸埋汤汁一齐食又系好味！！
＜野菜沙律＞和＜芝麻酱豆腐＞一同上枱，野菜沙律分量虽少，不过蔬菜新鲜，几好。其实我唔钟意芝麻酱，但又钟意食豆腐㖞，所以都有食吓，又几好味㖞，芝麻酱唔甜都几有芝麻味，豆腐又滑，似系百福出品喇。
＜一口元贝＞一碟４件的一粒连裙边的元贝放系品客薯片上面，的的骰骰，元贝顶分别有飞鱼子和鱼子酱，配上法式忌廉香草汁，卖相的确靓仔，亦都好食啫，ＧＯＯＤ！
＜脆炸芝士鱼柳日式咖哩饭＞试食友人的炸鱼，都炸得好松化，中间夹住淡淡既芝士，又真系几OK噃！
个咖哩汁只有少少辣，配菜就少咗Ｄ，如果可以多加２~３旧薯仔或甘旬就更好喇，因为只碟好大嘛，应觉好似好空咁，不过以呢个价钱来讲，整饭既质素都好有水准。
＜即磨咖啡＞ 冇乜特别好唔好饮，同麦啡差唔多啦。
＜青苹果雪冰＞ 冇乜青苹果味，似另外一种生果，但又讲唔出，几甜，一般啦。
张贴
