茶木‧台式休閒餐廳 (MOSTown) (裝修中)

今日晏昼，突然想食茶木就入咗去叫咗个士多啤梨蜜糖砖块，个卖相真系好吸睛，一定要影番几幅相，另外上面铺满士多啤梨同埋棉花糖，五颜六色，大小朋友见到都一定会钟意。上面旧雪糕沟埋啲士多啤梨酱食真系好正，如果捞埋棉花糖粒加埋士多啤梨，简直系绝配，下层嘅厚多士点啲雪糕嚟食都系一流，冇得弹，而且有两大块厚多士，一个人真系未必食得晒，大家一定要两个嚟食吖！其实佢哋入面嘅台式小食小菜都好好味，因为我本人都钟意食台湾嘢，记得个沙茶牛肉好惹味，而佢个卤水拼盘都一定要叫，不过今次因为下午茶关系唔系食午饭，又唔系食晚饭，所以下次嚟先叫。