磯の水產

营业中

休息中

🌊位于观塘海滨旁，天气冇咁热嘅时间餐厅会打开落地玻璃，海风吹过黎都几舒服几chill, 好啱过黎同朋友饮几杯同食串烧。装修好有日本居酒屋风格，有酒桶同唔少清酒布置。🍣特选寿司拼盘 $328三文鱼、带子、油甘鱼、大拖罗、海鳗、海胆、牡丹虾，左口鱼边寿司鲜甜肥美，醋饭温濶调味出色最钟意带子同牡丹虾，牡丹虾大大只，口感清爽甘甜。带子好大粒饱满，色泽雪白，鲜味浓郁。🐔炸明太子鸡翼 $68鸡翼酿左明太子，外皮炸得香脆，食落微辣香口，鸡翼唔算大只但食得出做得好精致！仲会切粒上，卖相靓又方便食。🐟烧花鱼一夜干 $128去居酒屋好啱叫呢d咁日式又啱送酒嘅菜式一整条花鱼烧得好香，经盐渍后鱼味锁住系鱼肉内，就咁食都唔会好咸。同埋我呢d怕鱼骨嘅都好轻易食到🍜牛肉乌冬 $88牛肉上枱时半熟，可自由渌到适合嘅熟度，牛肉超嫩滑，食得出系高质嘅牛肉。乌冬好幼滑弹牙，汤底睇落唔清但食落够晒浓味，野菜同红萝卜丝都浸到入味。整体食材同食物都高质，食饱饱仲可以去对面海滨公园散散步。