EL CID西班牙餐廳 (已結業)

星期五夜晚，尖沙咀基本无咩餐厅唔使排队，好彩有朋友系景乐member，打几个电话就揾到诺士佛台的西班牙餐厅仲有位，一行四人行过去食饭。成班旧同学食饭，一定不少得倾起近况，叫份酥炸鱿鱼($90) 边食边倾就啱晒了。鱿鱼圈炸得金黄，咬落不会太韧，正常水准。Nachos最啱一大班人share，份量算多，唯一要挑剔的系个底有点多dip，浸到粟米片有少少淋，如果可以将过多的酱可以另上就可以更好。食西班牙餐厅，朋友特意点了一杯水果酒 Sangria。味道容易入口，同时带有水果的甜味及香气，女士们都可以不妨一试。西班牙海鲜焗饭($380)，餐牌写的两位用，但份量也太大了吧！有四只烧香的大虾，虾肉厚实弹牙；青口都大大只，非常足料！饭粒每粒都涨卜卜，吸满了浓浓的精华。另外我推介黑松露鸭肝长通粉！望见个名已经劲吸引，黑松露的香气加上鸭肝的油香，简简单单已经超级惹味！甜品叫了一份Churros西班牙炸油条配朱古力汁($60)，呢个新鲜炸起的Churros黐住满满的砂糖，唯一不足系，油炸鬼好短，份量比较少，有少少唔够喉。==============================我系一个爱写字爱分享的吃货！如