呦呦鹿鳴布丁燒

营业中

休息中

葵广系广为人知嘅平民美食扫街天堂，行街买衫食嘢一个地方搞掂晒真系好方便。每次黎，都多左好多小食店，捞面、炸物、特色饮品，应有尽有。其中一间吸引我眼球嘅，就系呢间呦呦鹿鸣。小店舖面设计简约开扬，仲有个别具艺文气息嘅壁画墙做打卡位，单系呢样嘢已经啱晒我呢啲伪文青影相呃like。食物方面，呢度主打布丁烧，有热有冻，口味选择众多，搞到有选择困难症嘅我好挣扎！豆腐味、焙茶味、Bailey味、Earl Grey味，全部都好想试，但得一个肚，最后拣左两个冻嘅Bailey同Earl Grey。布丁烧嘅Structure 基本上分为三层，最底系轻芝士嘅饼底，中间系吹弹即破，滑不溜手嘅布丁，面头系焦糖。Bailey 嘅布丁烧面头会再倒一层Bailey 酒，加重左奶味之余，酒味又有解腻嘅感觉。由于Bailey味道比较出，而另一款Earl Grey 始终系茶味，清新但味道相对比较淡，所以显得较为失色，不过其实佢Earl Grey味系非常足够，如果你系呢只茶嘅爱好者，一定会钟意! 我自己非常推荐Bailey 味，建议大家食完其他味先食佢，咁就唔会显得其他味好淡。