醉翁亭火鍋館 (已結業)

话说约左几个朋友食饭，天气又转凉，见到醉翁亭提供无限时任食边炉，大家决定去试。因为我地试先预约，不用等就有位，店内环境清洁。因为6个人关系，可以叫2个唔同既锅，最后我地拣左羊腩锅同鸳鸯汤底。我特别钟意羊腩锅，羊腩份量够，而且肉质腍得黎又冇so味，仲可以refill ，正！鲍鱼够腍，有咬口，冬菇味浓刺身新鲜，最钟意三文鱼，够晒肥美！讲下火锅配料，会送每人份量既海鲜，有虾，蛏子，青口，鱿鱼，脆鲩片，非常丰富，而且新鲜，我最钟意系蛏子，肉质弹牙，又冇沙！火锅当然唔可以缺少肥牛，醉翁亭选用牛脊肉，牛味浓，有咬口，好味。这裹既鲜虾云吞都系送，鲜虾新鲜又多，饀料包得实，唔会因落汤而松散。其他火锅配料都系高质素，新鲜，连基本既蔬菜都系靓料，入口爽甜最后埋单328 连加一，绝对唔贵，因为我地坐到12点先走，倾左大约4个钟，又冇职员赶又可以食好野，系一个聚旧既好地方！