To-Gather Cafe (已結業)

Café 真系一班人吹水既好地方，人少又可以hea 下慢慢咁食下野倾下计！ 呢晚黎到旺角又揾左间café 食野吹水，呢间café 位处金鸡，唯一唔好处系繁忙时间好多人等lift都要等一段时间先上到去~ 我地因为都算早到所以都仲有吉位，但到8点零钟都开始多人~入面多数都系一班朋友约埋一齐黎食野同倾计，café 仲有好多board game可以借黎玩，消磨下时间！ 佢既set dinner 价钱合理，都有唔少选择！加钱仲有汤同CAKE~我地叫左个小食拼盘，入面分别有春卷、炸虾、小丸子、咖哩角、鸡软骨、鸡串、薯条，全部都新鲜热辣，炸到好香口！ 跟住到餐汤，磨菇汤劲重磨菇味，够哂creamy！！！上面仲铺左面包粒，捞埋食简直perfect~ 跟住就到松露海鲜意大利饭，松露劲香～同埋好多海鲜！个饭煮得岩岩好唔会太软或者硬！Carbonara 个汁都好creamy，D汁都挂哂系D意粉上面!!!正! 饮品都好出色！花茶同埋oreo 都好大杯，饮足成晚～～～　个蓝莓芝士蛋糕都够哂芝士味！　下次会再番黎食！