影片
更多
2010-03-13
89 浏览
11月24日, 呀菲农历生日~ 拣咗去凤城食饭庆祝! 本来想去北角个间嘅… 但最后为咗就其他人就去咗上环呢间~ 佢个招牌同其他分店都系一样, 不过就有人话呢间系假嘅… 真真假假… 实在无人知晓喇~::: 锅贴大明虾 ::: $68呀比见到锅贴2个字就双眼发光! 其实呢个菜同锅贴一d关系都无! 叫虾多士就贴切好多~ d虾都几大只, 半酿入面包上面拎去炸到金黄香脆, 真系脆卜卜架wor! 不过我就嫌佢油咗d…::: 凤肝金钱鸡 ::: $20/件此行目标菜式之一!! 系要预订嘅~ 不过就可以独立拣订要几多件~ 我恨咗食金钱鸡好耐架喇~~~ 原来金钱鸡系将鸡润、叉烧、猪肥膏夹包咁食!! 好肥腻但真系好好食呀~~~! 我好钟意食鸡润同叉烧, 美中不足嘅系呢两样野都切得太薄… 但赞嘅系两样野都做得够juicy, 连埋个肥膏咬落去个味真系不得了~~~ ::: 菜片鹌鹑崧 ::: $95鹌鹑崧炒得好香, 味道浓而比腻. 入面混咗d松子加强口感, 松松脆脆好开胃~ 不论包生菜或送饭都一流! 要赞嘅系佢d生菜切得劲靓! 而且颜色翠绿, 劲鲜嫩, 食落好爽口~ 包鹌鹑崧更觉清甜.::: 大良炒鲜奶 :::
::: 锅贴大明虾 ::: $68
呀比见到锅贴2个字就双眼发光! 其实呢个菜同锅贴一d关系都无! 叫虾多士就贴切好多~ d虾都几大只, 半酿入面包上面拎去炸到金黄香脆, 真系脆卜卜架wor! 不过我就嫌佢油咗d…
::: 凤肝金钱鸡 ::: $20/件
此行目标菜式之一!! 系要预订嘅~ 不过就可以独立拣订要几多件~ 我恨咗食金钱鸡好耐架喇~~~ 原来金钱鸡系将鸡润、叉烧、猪肥膏夹包咁食!! 好肥腻但真系好好食呀~~~! 我好钟意食鸡润同叉烧, 美中不足嘅系呢两样野都切得太薄… 但赞嘅系两样野都做得够juicy, 连埋个肥膏咬落去个味真系不得了~~~
::: 菜片鹌鹑崧 ::: $95
鹌鹑崧炒得好香, 味道浓而比腻. 入面混咗d松子加强口感, 松松脆脆好开胃~ 不论包生菜或送饭都一流! 要赞嘅系佢d生菜切得劲靓! 而且颜色翠绿, 劲鲜嫩, 食落好爽口~ 包鹌鹑崧更觉清甜.
::: 大良炒鲜奶 ::: $68
如果无洒上松子, 呢味炒鲜奶卖相实在同赛螃蟹无分别… 奶味亦唔重. 不过食到d蟹肉, 加埋香口松子吊味, 都ok啦~
::: 八宝全鸭::: $280
呢道八宝鸭都要预订. 望落实比莲香嘅瘦~ 个皮无咁肥~ 入面照样塞满糯米、栗子、连子、白果、连子冬菇等材料. 唔知系咪唔够肥, 呢只鸭切开之后都唔够香~ 鸭肉味淡, 其他馅料味道亦偏淡… 伴碟嘅菜又吸唔到d鸭汁, 两样野好似无关系咁~ 整体黎讲只属一般, 莲香楼嘅好食好多!
::: 上汤腐竹浸时蔬::: $68
食得多肥腻野, 都要叫碟菜黎平衡下~ 呢个腐竹浸时蔬都真系几清~ 不过个菜嘅卖相就确实有d求奇… d腐竹如果可以淋d就更好, 下面d菜都系正正常常啦~
::: 脆皮炸子鸡 (半只) ::: $100
估佢唔到咁出色!!! 真系斋睇相都feel到佢有几脆皮!! 利害嘅系佢皮脆得黎d肉又十分之嫩~ 真系好出色! 叫得半只真系太唔够喉!!!
::: 莲蓉西米布甸 ::: $68
此行目标菜式之二!! 又系要预订~ 本来念住叫黎做我嘅生日布甸架嘛~ 但我见都未见过佢全相就比呀姐分好晒… 食落个西米布甸质地比我想像中硬, 但d莲蓉又超软淋wor, 个口感好搞笑~ 味道都几甜~ 糖尿病者敬而远之~
总括黎讲今餐饭都几好味啦~ 不过菜式都颇肥腻, 多吃无益! D呀姐服务态度亦属一般~ 唔知其他分店表现会唔会好d呢??
张贴
