淳味

营业中

休息中

我都好少可喺OpenRice写衰一间餐厅，不过今次呢间真系不吐不快入座后叫咗呢个飞鱼籽杂锦寿司丼饭，注意店员完全冇提及过无吞拿鱼。叫餐饮时，五款特别嘅罐装饮品，有三款都无，都唔紧要，我叫另外两款。上菜嘅时候，出到嚟无吞拿鱼，已经O咗嘴。我问店员，点解无吞拿鱼嘅，明明Menu有。佢话，乜落单嘅时候同事冇同你讲咩？我话无，咁你哋冇吞拿鱼唔系应该用其他嘢取代嘅咩？佢话，已经比多咗三文鱼我。有无比多到，大家就自己睇图定断啦，我就一啲都唔觉得多咗，净系觉得个饭好颓，同埋最值钱嘅吞拿鱼无左。其次，食食吓先发现，Menu系甜虾，但上菜变咗熟虾。仲要只虾酸酸地，一食落去就知好唔新鲜，八爪鱼都有雪味。呢个价钱，面豉汤开粉就预左。不过至少开匀啲粉吖？碗底啲粉一旧旧，咸到飞起。呢餐真系衰过我喺超级市场求其买个鱼生饭。唔明点解餐厅入面仲会满座，餐厅外面仲有几枱客排队。希望大家唔好中伏。