影片
更多
2019-02-27
584 浏览
Openrice 开咗咁耐，我从未写过食评，但难食既食店大把，服务态度差既食店亦大把。但刚刚食完呢间食店竟然可以速使我即刻系Openrice 开账户写食评既，真系不得了！！呢间“澳门咖哩王清汤腩”其实上年定年几前已系牛头角定X街食过几次，个时应该系总店(应该得一间细细间，𠮶时食物质素好好又好食，个胡须老板又热心又有礼貌，又会介绍菜式比我地。所以有时谂唔到食咩就会去食。因为佢有几多招牌菜:咖哩牛腩都分几种，又有特式麻辣食品同鲜茄食品。本人系几钟意食辣，𠮶时系总店食过好食，仲介绍好多人去食。但现在唔知系咪出咗名赚到钱，开咗分店又搬咗铺之后，我第一次去观塘裕民坊呢间店(餐牌注明牛头角店)，店内挂埋胡须老板张相，所以一定没应错。我地叫咗3样野如下:1个常餐:沙嗲牛肉面，火腿奄列＋方包 $421个咖哩牛腩饭+冻奶茶 $59 + $3冻饮=$621个麻辣牛腩饭+冻奶茶 $59 + $3冻饮=$62叫餐时与店员对话:👩🍳店员，🤷♀️我🤷♀️:常餐:沙嗲牛肉面，火腿奄列＋多士👩🍳:多士加$2🤷♀️:咁要脆猪👩🍳:脆猪都要加$2，不过卖哂🤷♀️:吓！其实边度写要加$2？👩🍳:ae......你等
呢间“澳门咖哩王清汤腩”其实上年定年几前已系牛头角定X街食过几次，个时应该系总店(应该得一间细细间，𠮶时食物质素好好又好食，个胡须老板又热心又有礼貌，又会介绍菜式比我地。所以有时谂唔到食咩就会去食。因为佢有几多招牌菜:咖哩牛腩都分几种，又有特式麻辣食品同鲜茄食品。
本人系几钟意食辣，𠮶时系总店食过好食，仲介绍好多人去食。但现在唔知系咪出咗名赚到钱，开咗分店又搬咗铺之后，我第一次去观塘裕民坊呢间店(餐牌注明牛头角店)，店内挂埋胡须老板张相，所以一定没应错。
我地叫咗3样野如下:
1个常餐:沙嗲牛肉面，火腿奄列＋方包 $42
1个咖哩牛腩饭+冻奶茶 $59 + $3冻饮=$62
1个麻辣牛腩饭+冻奶茶 $59 + $3冻饮=$62
叫餐时与店员对话:👩🍳店员，🤷♀️我
🤷♀️:常餐:沙嗲牛肉面，火腿奄列＋多士
👩🍳:多士加$2
🤷♀️:咁要脆猪
👩🍳:脆猪都要加$2，不过卖哂
🤷♀️:吓！其实边度写要加$2？
👩🍳:ae......你等等，👩🍳去咗问另外同事，返过黎就指返餐牌中间有写住多士加$2(但没写脆猪要加钱)
🤷♀️:咁脆猪没写加$2，你又话冇，咁可以点？
👩🍳:你要方包啰～(其实餐牌冇写跟方包😑)
🤷♀️:咁要方包，(费时同👩🍳嗌🤬🤬)
🤷♀️:1个咖哩牛腩饭，1个麻辣牛腩饭
👩🍳:麻辣牛腩要唔要转新鲜牛腩？
🤷♀️:心谂一定要加钱啦～所以唔谂住转，但我老公就问如转新鲜牛腩要加几钱？
👩🍳:咖哩牛腩没得转，麻辣牛腩先有得转，要加十几蚊啰(语气超差)
🤷♀️:唔洗转😑
食物到了，我们一边食，一边自己同自己閙，因为食物全部都掂。
1) 沙嗲牛肉全部咬唔到，好硬，亚女牛咗一片就全部牛肉唔食，因为食唔到(仲好意思注明:必食)😨😨
2) 麻辣牛腩饭，一放上枱，已睇到有D牛腩系摆到干咗，快子“独”落去系硬既，都已经唔洗点试😓😓见D牛腩唔系几食得，D麻辣汁又少(D汁唔似汁，似麻辣水，仲得好少)，咪问吓可唔可以加返小小麻辣汁比我“No”吓饭食都好。点知！！
👩🍳:枱则边有辣椒油，你加𠮶D！😵😵
态度超差，就行开咗去同收银员倾计😡😡
哗！劲！系咪要比👍🏻有D 咁既员工。
讲真！如麻辣汁系同枱面既辣椒油一样，咁根本唔值$59，而且如D汁系同枱上辣椒油一样，店员员要拎入厨房加少少汁，就可以安抚到客人，咁都没咁赶客吖~但没计，店员令愿继续倾计。
3)咖哩牛腩饭，咖哩汁超重香料味，咖哩味唔够，牛腩全部咬唔到，完全食唔到，吐返哂出黎。点食呢😡😡
成餐饭，冇野好食，员工态度超差，食物质素底劣,我地一边食一边閙(自己同自己閙)没有大声，免得影响其他客人(其实店唔多人食)。而且我有家教，D员工态度咁差，食物质素咁差，同佢地投诉都冇用。
反正都讲咗:冇下次，呢间食店我地一定唔会再去食。但又真系从未试过食野食到咁想写一编食评去写出今餐饭既感受，亦想提提大家唔好中伏，免得好似我地咁，食到一肚气仲食唔包。
亦都想提提有心做食店既老板，希望你地可以有D良心，亦要灌切始终，有心做好食既食物比顾客，不要忘记初衷。赚到钱出咗名都要继续保持好既出品，如果唔系，就算比你开到分店，都好快就会结业，因为食物食到落口食冇得呃人既，而且如果食物品质好，就算有人写好既食评，只要客人食到好味都一定会返转头，但如果食物品质差劣，就算有更好既服务都未必有回头客。
最后都要提提老板，这店的员工真系要好好培训一吓，如果唔系，客人未食野，只系落单时都足以比你d员工赶走。😵😵
以下有相为证，我地唔系乱架！
张贴
